Charter Document - 03591409
| Charter Number: | 03591409 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1280 - 1290 |
| Date type: | Assigned |
| Resource Link(s): |
|
Charter:
Noscunt vniuersi Christi fideles quod ego Willelmus filius quondam Thome le Riche dedi concessi et hac mea carta presenti confirmaui ecclesie sancte Marie de Luffeld et monachis ibidem deo seruientibus illud totum tenementum meum cum pertinenciis quod habui de dono Willelmi filij Roberti Liuoc in villa de Brackel Tenendum et habendum dictum tenementum cum omnibus suis pertinenciis de me et heredibus meis quibuscumque seu assignatis dictis monachis et eorum successoribus in liberam puram et perpetuam elemosinam quoad me et ad heredes meos soluentes inde dicti monachi et eorum successores capitali domino feodi annuatim tres denarios argenti ad tres anni terminos ville de Brackel statutos Et lumini beate Marie ecclesie beati Petri apostoli de Brackel tres obolos argenti ad tres anni terminos uille de Brackel statutos Et ego uero dictus Willelmus et heredes mei qualescumque seu assignati predictum tenementum cum suis pertinenciis memoratis monachis et eorum successoribus contra omnes gentes warantizabimus et inperpetuum defendemus Vt autem hec mea donacio concessio et carte mee presentis confirmacio inperpetuum perseueret hanc cartam meam sigilli mei inpressione roboraui in testimonium Hiis testibus Rogero de Luton Ricardo Mace Ricardo Suwet Nicholao Sewet Iohanne Burre et aliis
Source (click image below to view full size)
