Charter Document - 03591404
| Charter Number: | 03591404 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1190 - 1263 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum peruenerit frater Willelmus prior de Luffeld et eiusdem loci conuentus salutem in domino Noueritis nos tradidisse et concessisse Waltero filio Simonis le mouner et Felicie uxori eius illud mesuagium in uilla de Westbur quod Robertus le Crips quondam tenuit scilicet quod situm est inter domum [] et molendinum et quatuor acras terre cum pertinenciis scilicet in campo orientali duas acras quarum vna iacet iuxta terram Gilberti de Fiswere et dimidia acra iuxta terram Ricardi le Wite et alia dimidia acra iuxta le Grenewey iuxta terram Iacobi Et in campo occidentali dimidia acra atte Holewebrech iuxta terram Iacobi et dimidia acra iuxta terram Roberti de Fremingham et dimidia acra iuxta terram Simonis le Rus et dimidia acra iuxta terram dicti Simonis le Rus Tenendum et habendum de nobis in tota vita eorum libere quiete bene et in pace Reddendo inde annuatim nobis quatuor solidos et duos capones et vnum hominem ad falcandum ad custum illorum scilicet ad festum sancti Michaelis duodecim denarios et ad Natiuitatem domini duodecim denarios et duos capones et ad Pascha duodecim denarios et ad natiuitatem sancti Iohannis baptiste duodecim denarios et ad falcandum pratum vnum hominem uel quatuor denarios pro omni seruicio nobis spectante salua secta curie nostre et heriet post decessum utriusque et aliis nobis de iure spectantibus Predictum uero mesuagium et dictas acras terre cum pertinenciis dictis Waltero et Felicie uxori eius in tota vita illorum contra omnes gentes warantizabimus Dictus uero Walterus nec Felicis uxor eius dictam domum et dictas acras terre cum pertinenciis nemini tradent nec inuadiabunt nec inpignorabunt nec domum prosternent nec arbores succident sine consensu nostro quia post mortem ipsorum dictum mesuagium cum acris prenominatis et pertinenciis libere et quiete ad domum nostram reuertentur absque alicuius hominis reclamacione salua uestura et catallis eorum sibi de iure spectantibus Et si contingat dictos Walterus et Felicia per [] in solucione redditus cessarei uel in aliquibus de premissis offendere statim sine contradiccione dabunt luminari [ecclesie de] Luffeld duos solidos Vt ea que a nobis concessa sunt firma perseuerent huic presenti scripto sigillum nostrum [apposuimus Hiis] testibus Iordano de sancto Lycio Iordano Bastardo Thome Rikeward Roberto Hardel Ricardo clerico de Selueston Henrico Amiun [] et aliis
Source (click image below to view full size)
