Charter Document - 03591350

Quicquid sibi salutis gaudii et honoris Noueritis quod peticionem vestram nuper nobis factam conuocatis de iure vocandis eandem peticionem et annualem eiusdem valorem hinc inde examinantes prout decet et uidentes [] statum domus nostre ac onera eiusdem cotidiana nobis fore supra modum difficilia vt in diuersis pensionibus corrodiis variis oppressionibus decimarum prestacionibus placitis in curia Cant et aliis locis quam pluribus et in expensis diuersorum superuenientium iusticiariorum senescallorum forestiariorum et balliuorum diuersorum comitatuum vna cum visitationibus episcoporum archidiaconorum et aliorum superiorum nostrorum que quidem onera ad onerosam et grauissimam summam nobis quia inestimabilem se extendunt quod vobis verisimiliter latere non credimus Considerantes etiam quia in constitutione generali inhibitum sit sub pena suspensionis ne abbas vel prior cuiuscumque condicionis existat corrodium siue lyuereysonam alienet vel alicui ad terminum vite concedat nisi ex magna et vrgenti monasterii necessitate et ex causa per diocesianum loci approbata et hinc est quod amicitiam vestram de qua plene confidimus affectuose rogamus et requirimus vt pro malo non habeatis quod peticionem vestram nobis oneratis onerosam pretextu causarum supradictarum ad presens non adimplemus quoniam rationi non congruit onus oneratis superaddere Et si contingeret quod absit nos in futurum aliqua necessitate coartari que ad presens benedicto altissimo nobis non incumbit citius consilium nostrum consentiret ecclesias nostras pro huiusmodi necessitate releuanda pro tempore ad firmam ponere quam de aliquo licet simplici corredio domum nostram in futurum onerare quia corrodium ad terminum vite concessum certum [] []catum non habet [] monemur [] nec delemus de promissionibus vestris nobis condicionaliter in scriptis faciend de non onerando dictam domum nostram nisi tempore debilitatis aut necessitatis quia scriptum est Qui necessitatem sibi imponit non est subueniendus De exhennio vero vestro laudabili et honesto nobis transmisso vobis referimus graciarum acciones altissimum affectuose deprecantes ut vobis tanquam confratri nostro spirituali salutem mentis et corporis donare dignetur per tempora diu duratura Valete []