Charter Document - 03590762
| Charter Number: | 03590762 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1280 |
| Date type: | Assigned |
| Resource Link(s): |
|
Charter:
Sciant presentes et futuri quod ego magister Willelmus Giffard dedi concessi et hac mea presenti carta confirmaui deo et beate Marie de Luffeld et priori et monachis ibidem deo seruientibus pro salute anime mee et animarum Katerine et Ricardi et animarum omnium benefactorum meorum totam illam quareram meam cum pertinenciis in camp de Cosgraue quam quidem habui de dono et concessione Willelmi Riuel de Forho in puram et liberam et perpetuam elemosinam inperpetuum Et ego vero dictus magister Willelmus Giffard et heredes mei dictam quareram cum suis pertinenciis et appendiciis dictis priori et monachis et eorum successoribus contra omnes gentes warantizabimus acquietabimus et defendemus In huius rei testimonium huic presenti scripto sigillum meum apposui Hiis testibus Waltero de Forho Willelmo molendinario Iohanne filio Iohannis Iohanne fratre Iohanne filio Henrici Iohanne alagrene Ricardi Terry et multis aliis
Source (click image below to view full size)
