Charter Document - 03590760
| Charter Number: | 03590760 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1318 |
| Date type: | Internal, Feast, Regnal |
| Resource Link(s): |
|
Charter:
Cum lites et discordie mote essent inter religiosos viros priorem et conuentum de Luffeld ex parte vna et Iohannem dictum forestarium de Stonistratford ex parte altera super accione duorum solidorum annui redditus peruenientis de quodem tenemento in Stonistratford quod tenementum continet vnam acram terre et quod situatum est inter tenementum quondam Roberti de Hyntes ex parte vna et tenementum Isabelle Douet ex parte altera et extendit se a regia via que dicitur Watlingestret vsque ad moram de Stonistratford Tandem dicte lites et discordie ex amicabili composicione vtriusque partis sopite sunt in hunc modum videlicet quod dictus Iohannes cognouit tenere dictum tenementum de dictis religiosis per seruicium duorum solidorum per annum quos dictus Iohannes et heredes sui soluent dictis religiosis ad duos anni terminos videlicet ad festum sancti Michaelis duodecim denarios et ad festum annunciacionis beate Marie duodecim denarios predictus eciam Iohannes vult et per presentes concedit quod si ipsum heredes uel assignatos contingant in dicta solucione dicti redditus ad terminos statutos in toto uel in parte deficere quod dicti religiosi et eorum balliui dictum tenementum infra et extra possint distringere et districciones retinere sine alicuius contradiccione quousque eisdem plenarie fuerit satisfactum Dictos uero religiosos de duobus predictis solidis in dicto tenemento plenariam habere fecit seisinam et eisdem religiosis pro dictis tenementis et redditu dictus Iohannes fecit fidelitatem Dicti uero religiosi ad instanciam amicorum omnia arreragia de toto tempore preterito vsque festum sancti Michaelis anno regni regis Edwardi filii regis Edwardi duodecimo dicto Iohanni plenarie remiserunt et de eodem Iohanne decem solidos nomine redditus pro quinque annis a dicto festo sancti Michaelis proximis sequentibus et plenarie completis dicti religiosi premanibus receperunt In cuius rei testimonium tam predictus prior quam predictus Iohannes huic indenture alternatim sigilla sua apposuerunt Hiis testibus Philippo de Hardeshull Andrea de sancto Licio Ricardo de Langeport Roberto le porter de Bechampton Henrico Angetyl de Stonistratford Willelmo Prote de eadem et aliis Dat apud Luffeld die veneris in festo sancti Michaelis archangeli anno regni regis Edwardi filii regis Edwardi duodecimo
Source (click image below to view full size)
