Charter Document - 03590755
| Charter Number: | 03590755 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1379 |
| Date type: | Internal, Feast, Regnal |
| Resource Link(s): |
|
Charter:
Die dominica post octabas epiphanie anno regni regis Ricardi secundi post conquestum septimo ita conuenit inter fratrem Iohannem Pery priorem de Luffeld et eiusdem loci conuentum ex parte vna et Robertum Scheperd de Bechamton et Margeriam vxorem suam et Iohannem filium eorundem ex altera parte videlicet quod predicti prior et conuentus tradiderunt et ad firmam dimiserunt eisdem Roberto Margerie vxori eius et Iohanni filio eorundem ad terminum vite eorum et eorum alterius diucius viuentis vnum mesuagium cum curtilagio adiacente et duas acras terre arabilis cum omnibus suis pertinenciis in Bechamton quod quidem mesuagium scituatum est inter mesuagium Iohannis Preston ex vna parte et mesuagium Hugonis Vescy ex altera parte et vna dimidia acra iacet super le Wite inter terram Rogeri Wolfe et Galfridi Dogette alia dimidia acra iacet super Mullefurlonge inter terram Rogeri Wolfe et Iohannis the Heyre alia dimidia acra iacet super Waterlonde inter terram Rogeri Wolfe et Simonis Chogeno et alia dimidia acra iacet super Redelonde inter terram Rogeri Wolfe et Iohannis the Heyre Habendum et tenendum de predictis priore et conuentu et eorum successoribus predictum mesuagium cum curtilagio et predictas duas acras terre arabilis cum omnibus suis pertinenciis prefatis Roberto Margerie vxori eius et Iohanni filio eorundem ad terminum vite eorum et eorum alterius diucius viuentis Reddendo inde annuatim predictis priori et conuentui et eorum successoribus quatuor solidos argenti vel auri ad duos anni terminos videlicet ad festa sancti Michaelis et annunciacionis beate Marie equis porcionibus et predicti Robertus Margeria et Iohannes filius eorundem respondebunt pro omnibus forinsecis seruiciis et curiarum sectis et quicumque de predictis est principalis tenens dictum mesuagium et terram cum omnibus suis pertinenciis post decessum dabit dictis priori et conuentui et eorum successoribus nomine herietti melius animalem et dicti Robertus Margeria et Iohannes filius eorundem omnia edificia reparabunt et sustentabunt congrue et honeste sumptibus eorum propriis ibidem toto tempore prenominato et predicti Robertus Margeria et Iohannes filius eorundem sine licencia dictorum prioris et conuentus arbores in predicto curtilagio crescentes non prosternent neque vendent Et si contingat predictum redditum quatuor solidorum fore aretro in parte vel in toto ad aliquem terminum prenominatum bene liceat prefatis priori et conuentui et eorum successoribus in predictis mesuagio cum curtilagio et terra distringere et districciones retinere quousque de arreragiis simul cum dampnis plenarie fuerint satisfactum Et si contingat quod nulla sufficiens districcio ibidem inueniri nequierint per quindecim dies vel si vastum factum fuerit in sustentacione domorum vel si dictum mesuagium vel dicta terra seu aliqua parcella earundem dimiss fuerint alicui sine licencia dictorum religiosorum et eorum successorum in quolibet casu predicto bene liceat prefatis priori et conuentui et eorum successoribus in omnibus supradictis mesuagio et terra cum omnibus suis pertinenciis reingredi et retinere inperpetuum vt liberum tenementum eorum absque calumpnia seu inpedimento ipsorum Roberti Margerie et Iohannis filii eorum Et predicti prior et conuentus et eorum successores predictum mesuagium cum curtilagio et predictas duas acras terre cum omnibus suis pertinenciis prefatis Roberto Margerie et Iohanni filio eorum ad terminum vite eorum et eorum alteri diucius viuenti in forma supradicta contra omnes gentes warantizabunt In cuius rei testimonium vni parti huius indenture penes prefatos priorem et conuentum residenti dicti Robertus Margeria et Iohannes filius eorundem sigilla sua apposuerunt alteri vero parti penes dictos Robertum Margeriam et Iohannem filium eorundem remanenti dicti prior et conuentus sigillum eorum commune apposuerunt Hiis testibus Rogero Wolfe de Bechamton domino Thoma rectore de eadem Iohanne Spenser de eadem Iohanne Preston de eadem et multis aliis Data apud Luffeld die et anno supradictis
Source (click image below to view full size)
