Charter Document - 03590754

Anno regni regis Edwardi tercii a conquestu vicesimo vij ita conuenit inter fratrem Willelmum priorem de Luffeld et eiusdem loci conuentum ex parte vna et Iohannem Spenser de Bechamton et Isabellam vxorem eius et Iohannem filium eorundem ex parte altera videlicet quod predicti prior et conuentus tradiderunt et dimiserunt dictis Iohanni Isabelle et Iohanni ad terminum vite illorum illud mesuagium in Bechamton cum crofto et suis pertinenciis quas Rogerus le skinner et Willelmus Kinnes quondam tenuerunt de dictis religiosis cum duabus virgatis terre exceptis quatuor acris quarum Alicia relicta Hugonis bercarii tenet tres acras et quarum dicti prior et conuentus habuerunt vnam acram ex dono Willelmi Peynd Habendum et tenendum dictum mesuagium cum crofto et cum dictis duabus virgatis terre exceptis quatuor acris terre prenominatis de dictis priore et conuentu seu eorum successoribus dictis Iohanni Isabelle et Iohanni quamdiu vixerint seu cuique eorum diucius vixerit libere bene et in pace Reddendo inde annuatim dictis religiosis et eorum successoribus decem solidos argenti ad duos anni terminos videlicet ad festum annunciacionis beate Marie in Marcio et sancti Michaelis archangeli per equales porciones et dabunt dictis priori et conuentui et eorum successoribus melius animalem nomine herietti vel eius valorem post decessum vtriusque et predictis religiosis et eorum successoribus omnia seruicia debita et consueta et omne forinsecum seruicium pertinens ad dictum tenementum ac eciam reddendo inde annuatim capitalibus dominis feodi septem solidos et sex denarios argenti ad festa sancti Michaelis et annunciacionis beate Marie per equales porciones Dicti vero Iohannes Isabella et Iohannes dictum tenementum in parte nec in toto tradent nec inpignorabunt nec aliquo alio modo alienabunt set omnia recepta ac omnia eorum pertinencia bene et integre sustentabunt et in bono statu in omnibus conseruabunt Et si contingat Iohannem Isabellam Iohannem seu eorum quemque in parte vel in toto alicuius solucionis redditus terminis suprastatutis deficere quod absit extunc bene liceat dictis religiosis et eorum successoribus quandocunque et vbicunque voluerint tam infra cepta domus quam extra distringere et districciones fugare et retinere quousque dictis religiosis et eorum successoribus tam de dampnis grauaminibus et expensis omnimodis quam de arreragiis cuiuscunque solucionis plenarie sit satisfactum Dicti vero prior et conuentus et eorum successores dictum mesuagium cum crofto et predictis duabus virgatis terre exceptis quatuor acris terre prenominatis et cum omnibus eorum pertinenciis sicut predictum est predictis Iohanni Isabelle et Iohanni ad totam vitam illorum vel cuicunque eorum diucius viuenti per predicta seruicia warantizabunt et defendent In cuius rei testimonium partes predicte presenti indenture ad modum serograffi confecte sigilla sua alternatim apposuerunt Hiis testibus Iohanne Bray Ricardo Hardeshull Iohanne Vessy de Bechamton Rogero Kingesbrug de Thorneburgh et aliis Dat apud Luffeld die lune in festo sancti Martini episcopi anno supradicto