Charter Document - 03590753
| Charter Number: | 03590753 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1386 |
| Date type: | Internal, Feast, Regnal |
| Resource Link(s): |
|
Charter:
Hec indentura facta inter fratrem Iohannem Pyrye priorem de Luffeld et eiusdem loci conuentum ex vna parte et Andream Rolfe de Bechamptone Isabellam vxorem suam et Willelmum filium eorundem ex altera parte videlicet quod predictus prior et conuentus tradiderunt concesserunt et ad firmam dimiserunt eisdem Andree Isabelle et Willelmo filio eorundem ad terminum vite eorum et eorum alteri diucius viuenti illud mesuagium et terram totam cum prato pascuis et pasturis et cum omnibus commoditatibus dicte terre pertinentibus quod quidem mesuagium et terram Iohannes Spenser de nobis quondam tenuit in villa predicta Habend et tenend de predicto priore et conuentu et eorum successoribus predictum mesuagium et totam terram cum omnibus pertinenciis suis prefatis Andree Isabelle et Willelmo ad terminum vite eorum et eorum alteri diucius viuenti Reddendo inde annuatim toto tempore prenominato prefato priori et conuentui et eorum successoribus decem solidos ad duos anni terminos videlicet ad festa sancti Michaelis et annunciacionis beate Marie equis porcionibus et sic de anno in annum toto tempore prenominato et faciendo predictis priori et conuentui et eorum successoribus omnia forinseca seruicia dictis mesuagio et terre pertinentibus et quilibet tenens predictum mesuagium et terram post decessum suum herietabit Et predictus Andreas Isabella et Willelmus predictum mesuagium bene et competenter edificabunt et sustentabunt omnia edificia dicti messuagii bene et competenter suis propriis sumptibus terminis prenominatis Et si contingat predictum redditum decem solidorum fore aretro in parte uel in toto ad aliquem terminum prenominatum bene liceat prefatis priori et conuentui et eorum successoribus in predictum messuagium et terram distringere et districciones retinere quousque de arreragiis simul cum dampnis plenarie fuerit satisfactum Et si contingat quod nulla sufficiens districcio ibidem inuenire nequierint per vnum mensem post aliquem terminum prenominatum vel si vastum factum fuerit in sustentacione domorum vel statum suum alicui dimiserint vel vendiderint sine speciali licencia prioris et conuentus seu aliqua parcella dictarum terrarum fuerit alicui dimissa vltra sex annos per predictos Andream Isabellam et Willelmum nec prosternere debent arbores ibidem crescentes nec ad reparacionem domorum in quolibet casu predicto bene liceat prefatis priori et conuentui et eorum successoribus in omnibus supradictis messuagio terra et tenemento cum omnibus pertinenciis reingredi et ea retinere imperpetuum ut liberum tenementum eorum absque calumpnia inpedimento seu contradiccione eorum Andree Isabelle et Willelmi Et predicti prior et conuentus et eorum successores omnia predicta predictis Andree Isabelle et Willelmo warantizabunt ita quod post decessum eorum omnia supradicta predictis priori et conuentui et eorum successoribus integre reuertentur In cuius rei testimonium partes predicte hiis indenturis sigilla sua alternatim apposuerunt Dat apud Bechamptone die martis proxima ante festum sancti Petri apostoli anno regni regis Ricardi secundi a conquestu decimo septimo Hiis testibus Rogero Wolfe Iohanne Hauersham Iohanne Fowke Thoma Iankyn Iohanne Theyr et aliis
Source (click image below to view full size)
