Charter Document - 03590751
| Charter Number: | 03590751 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1387 |
| Date type: | Internal, Feast, Regnal |
| Resource Link(s): |
|
Charter:
Die dominica ante festum sancti Martino anno regni regis Ricardi secundi post conquestum undecimo ita conuenit inter fratrem Iohannem Pyri priorem de Luffeld et eiusdem loci conuentum ex parte vna et Iohannem Fowke de Bechamton et Isabellam vxorem suam et Willelmum filium eorum ex parte altera videlicet quod predicti prior et conuentus tradiderunt concesserunt et ad firmam dimiserunt eisdem Iohanni Isabelle et Willelmo ad terminum vite eorum et eorum alteri diucius viuentis vnum toftum cum gardino et cum omnibus suis pertinenciis in Bechamton quod quidem toftum cum gardino scituatum est inter Radulphum Bray ex parte vna et Iohannem Slay ex parte altera Habendum et tenendum de predictis priore et conuentu et eorum successoribus predictum toftum cum gardino et cum omnibus suis pertinenciis prefatis Iohanni Isabelle et Willelmo ad terminum vite eorum et eorum alteri diucius viuentis Reddendo inde annuatim prefatis priori et conuentui et eorum successoribus octo denarios ad duos anni terminos videlicet ad festa sancti Michaelis et annunciacionis beate Marie equalibus porcionibus et omnia alia forinseca similiter Et vltimus predictorum Iohannis Isabelle et Willelmi tenens predictum toftum cum gardino post decessum dabit dictis priori et conuentui et eorum successoribus nomine herietti viginti denarios Et dicti Iohannes Isabella et Willelmus reparabunt super dictum toftum vnam domum de duabus bayis infra quinque annos sub pena foris facturi dicti tofti cum gardino et extunc dictam domum et clausturam ibidem toto tempore prenominato sumptibus eorum propriis congrue sustentabunt Et si contingat predictum redditum octo denariorum fore aretro in parte vel in toto ad aliquem terminum prenominatum bene liceat prefatis priori et conuentui et eorum successoribus in predicto tofto cum gardino distringere et districciones retinere quousque de arreragiis simul cum dampnis plenarie fuerit satisfactum Et si contingat quod ulla sufficiens districcio ibidem inuenire nequierint per vnum mensem vel si vastum factum fuerit in sustentacione domus vel si dictum toftum cum gardino alicui dimissum fuerit sine licencia dictorum prioris et conuentus et eorum successorum in quolibet casu predicto bene liceat prefatis priori et conuentui et eorum successoribus in omnibus supradictis tofto et gardino et in omnibus suis pertinenciis reingredi et retinere inperpetuum vt liberum tenementum eorum absque calumpnia impedimento seu contradiccione ipsorum Iohannis Isabelle et Willelmi Et predicti prior et conuentus et eorum successores predictum toftum cum gardino cum suis pertinenciis prefatis Iohanni Isabelle et Willelmo ad terminum vite [eorum] et eorum alteri diucius viuentis in forma supradicta contra omnes gentes warantizabunt et vbique defendent In cuius rei testimonium vni parti huius indenture penes prefatos priorem et conuentum residenti dicti Iohannes Isabella et Willelmus sigilla sua apposuerunt alteri vero parti penes dictos Iohannem Isabellam et Willelmum remanenti dicti prior et conuentus sigilla eorum commune apposuerunt Hiis testibus Rogero Wolfe domino Thoma rectore eiusdem ville Iohanne Harysham Iohanne Slay Iohanne Spenser et multis aliis Dat apud Luffeld die et anno supradictis
Source (click image below to view full size)
