Charter Document - 03590750
| Charter Number: | 03590750 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1424 |
| Date type: | Internal, Feast, Regnal |
| Resource Link(s): |
|
Charter:
Hec indentura facta inter fratrem Iohannem priorem prioratus de Luffeld et eiusdem loci conuentum ex parte vna et Iohannem Fowke iuniorem de Bechamptone et Isabellam vxorem eius Thomam et Iohannem filios eorundem ex parte altera testatur quod dicti prior et conuentus tradiderunt concesserunt et ad firmam dimiserunt prefatis Iohanni Isabelle Thome et Iohanni vnum mesuagium in Bechamptone iuxta mesuagium predicti Iohannis Fowke iunioris quod quidem mesuagium Willelmus Andrews quondam de nobis tenuit et duas acras terre cum prato pascuis et pasture et cum omnibus aliis suis pertinenciis Habend et tenend dictum mesuagium et duas acras terre cum suis pertinenciis de dictis priore et conuentu et eorum successoribus ad terminum vite dictorum Iohannis Isabelle Thome et Iohannis et eorum diucius viuentis Reddendo inde annuatim dictis priori et conuentui et eorum successoribus duos solidos et sex denarios ad duos anni terminos videlicet ad festuni sancti Michaelis archangeli quindecim denarios et ad festum annunciacionis beate Marie quindecim denarios Et insuper predicti Iohannis Isabella Thomas et Iohannes supportabunt nichilominus forinseca seruicia et omnia alia onera quantum pertinet ad tantum tenementum in eadem villa Et predicti Iohannes Isabella Thomas et Iohannes sustentabunt et manutenebunt vnam domum continentem tres bayes bene et sufficienter sumptibus suis propriis durante termino predicto et illud dimittent in fine termini predicti in adeo bono statu sicut illud receperunt seu meliori Et predicti Iohannes Isabella Thomas et Iohannes nulli alteri dimittent uel assignabunt dictum mesuagium nec terram ad terminum vite vel annorum durante termino predicto Et predicti Iohannes Isabella Thomas et Iohannes nullum vastum facient in dicto mesuagio siue in terris dicto mesuagio pertinentibus Et si dictus redditus sit aretro ad aliquem terminum predictum in parte uel in toto per vnum mensem postea tunc bene licebit predicto priori et conuentui et eorum successoribus distringere et districciones retinere quousque de predicto redditu simul cum dampnis plenarie fuerit eis satisfactum Et si predictus redditus fuerit aretro per vnum quarterum anni postea vel si dicti Iohannes Isabella Thomas et Iohannes non sustentent dictum mesuagium bene et sufficienter durante termino predicto vel si dimiserint dictum mesuagium vel terram ad terminum vite vel annorum vel vastum facient quod extunc bene licebit predictis priori et conuentui et eorum successoribus in predictum mesuagium et terram cum suis pertinenciis reintrare et ea penes se retinere ut ius suum proprium presentibus indenturis non obstantibus Et predicti prior et conuentus et eorum successores dictum mesuagium et terras cum suis pertinentibus prefatis Iohanni Isabelle Thome et Iohanni ad terminum vite eorum contra omnes gentes warantizabunt In cuius rei testimonium hiis indenturis partes predicte alternatim sigilla sua apposuerunt Hiis testibus Iohanne Fowke seniori Thoma Cappe Iohanne Heed Thoma Heed Willelmo Andrew et aliis Dat apud Luffeld die iouis in festo Ascencionis domini anno regni regis Henrici sexti post conquestum secundo
Source (click image below to view full size)
