Charter Document - 03590746
| Charter Number: | 03590746 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1333 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus presens scriptum visuris vel audituris frater Iohannes de Westbury prior de Luffeld et eiusdem loci conuentus eternam in domino salutem Cum Alicia filia Hugonis Gerard de Bechampton tenet de nobis ad totam vitam suam vnum mesuagium nostrum in Bechampton cum tofto et crofto adiacentibus et duas acras terre in campis de Bechampton cum pertinenciis reddendo inde nobis et successoribus nostris annuatim sex solidos argenti ad festa sancti Michaelis archangeli et annunciacionis beate Marie per equales porciones prout per quoddam scriptum inter nos et predictam Aliciam inde confectum plenarie continetur Noueritis nos predictos priorem et conuentum de Luffeld tradidisse ac dimisisse Rogero le chapman de Potterespurye et Alicie vxori sue prime dictum mesuagium et dictas duas acras terre cum omnibus suis pertinenciis ad terminum vite eorum vel cui eorum diucius vixerit cum acciderint post mortem prefate Alicie filie dicti Hugonis Gerard Habendum et tenendum dictum mesuagium et dictas duas acras terre cum omnibus pertinenciis suis prefatis Rogero et Alicie vxori sue prime ad totam vitam eorum pro redditu sex solidorum annuatim ad terminos vt predictum est de nobis et successoribus nostris pro omnibus seruiciis et secularibus demandis saluo seruicio domini regis et nobis et successoribus nostris post decessum utriusque illorum meliori auerio nomine herietti Et si contingat dictos Rogerum et Aliciam seu quemcunque illorum in solucione dicti redditus in parte vel in toto deficere quod absit vel destructionem aut vastum seu aliquam alienacionem in dicto tenemento quoquo modo facere tunc bene licebit nobis dictis priori et conuentui et successoribus nostris totum dictum tenementum infra domum et extra per omnimoda bona et catalla qualitercunque inuenta pro voluntate nostra distringere et districciones si quam fuerint retinere quousque nobis de omnibus arreragiis dampnis et expensis plenarie fuerit satisfactum Et nos vero dicti prior et conuentus ac successores nostri dictum mesuagium et terram predictam cum omnibus pertinenciis suis vt predictum est dictis Rogero et Alicie vxori sue prime ad terminum vite eorum warantizabimus Et post decessum dictorum Rogeri et Alicie vxoris sue prime omnia predicta mesuagium terre et tenementa cum omnibus suis pertinenciis nobis et successoribus nostris plenarie reuertentur In cuius rei testimonium tam nos dicti prior et conuentus quam dicti Rogerus et Alicia sigilla nostra alternatim presentibus apposuimus Hiis testibus Philippo de Hardeshull Iohanne Mabely Henrico Biketyl Nicholao de Whaddon Radulfo Anketyl et aliis Dat apud Luffeld die martis in festo apostolorum Petri et Pauli anno regni regis Edwardi tercii post conquestum septimo
Source (click image below to view full size)
