Charter Document - 03590744

Anno regni regis Edwardi tercij a conquestu vicesimo tercio Ita conuenit inter fratrem Willelmum priorem de Luffeld et eiusdem loci conuentum ex parte vna et Emmam Bray de Bechampton ex parte altera videlicet quod predicti prior et conuentus tradiderunt et dimiserunt dicte Emme ad totam vitam suam illud mesuagium in Bechampton cum croftis suis [et] pratum quod dominus Iohannes de Dadyngton nuper rector ecclesie de Bechampton quondam tenuit de dictis religiosis cum duabus virgatis terre exceptis quatuor acris terre quarum Alicia relicta Hugonis bercarij tenet tres acras et quarum dicti prior et conuentus habuerunt vnam acram ex dono Willelmi Poynde Habendum et tenendum dictum mesuagium cum croftis et cum dictis duabus virgatis terre exceptis quatuor acris terre prenominatis de dictis priore et conuentu et eorum successoribus dicte Emme quamdiu vixerit libere bene et in pace Reddendo inde annuatim dictis religiosis et eorum successoribus tresdecim solidos et quatuor denarios argenti ad duos anni terminos videlicet ad festa sancti Michaelis arkangeli et annunciacionis beate Marie in Marchio per equales porciones et dabit dictis priori et conuentui et eorum successoribus melius animalem nomine herietti vel eius valorem post decessum suum Et predictis religiosis et eorum successoribus omnia seruicia debita et consueta et omne forinsecum seruicium pertinens ad tantum tenementum ac eciam reddendo inde annuatim capitalibus dominis feodi septem solidos et sex denarios argenti ad festa sancti Michaelis et annunciacionis beate Marie in Marchio per equales porciones Dicta vero Emma in parte nec in toto dictum tenementum nemini tradet nec impignorabit neque aliquo modo alienabit sed omnia recepta cum omnibus eorum pertinenciis bene et integre sustentabit et in bono statu in omnibus conseruabit Et si contingat dictam Emmam in parte vel in toto alicuius solucionis dicti redditus terminis suprastatutis deficere quod absit extunc bene liceat dictis religiosis et successoribus suis quandocunque et vbicunque voluerint tam infra cepta domus quam extra distringere et districciones fugare et retinere quousque eisdem religiosis et eorum successoribus tam de dampnis grauaminibus et expensis omnimodis quam de arreragiis cuiuscunque solucionis plenarie fuerit satisfactum Dicti vero prior et conuentus et eorum successores dictum mesuagium cum duabus predictis virgatis terre exceptis quatuor acris prenominatis et cum omnibus eorum pertinenciis sicud predictum est predicte Emme ad totam vitam suam per predicta seruicia warantizabunt et defendent In cuius rei testimonium partes predicte presenti indenture ad modum cirografi confecte sigilla sua alternatim apposuerunt Hiis testibus Iohanne Bray de Bechampton Stephano le bayliff de Lekamstede Almario le Breton de eadem Rogero le Warde de Thornaberge Ricardo Rocayle de eadem et aliis Dat apud Luffeld die mercurii in festo sancti Hilarii anno supradicto