Charter Document - 03590743
| Charter Number: | 03590743 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1368 |
| Date type: | Internal, Feast, Regnal |
| Resource Link(s): |
|
Charter:
Die iouis in festo sancti Thome apostoli anno regni regis Edwardi tercij a conquestu quadragesimo secundo ita conuenit inter fratrem Willelmum priorem de Luffeld et eiusdem loci conuentum ex parte vna et Iohannem Preston et Matildam vxorem eius et Willelmum filium eiusdem Matilde ex parte altera videlicet quod predicti prior et conuentus tradiderunt concesserunt et ad firmam dimiserunt predictis Iohanni Matilde et Willelmo ad terminum vite eorum et cuilibet diucius viuenti vnum mesuagium et duas acras terre cum omnibus suis pertinencijs in Bechampton quod Iohannes Fouke quondam tenuit et quod quidem mesuagium scituatum est inter mesuagium Iohannis Preston ex parte vna et mesuagium Hugonis Vessy ex parte altera Habend et tenend de predictis priore et conuentu et eorum successoribus predictum mesuagium et predictas duas acras terre cum omnibus suis pertinencijs prefatis Iohanni Matilde et Willelmo ad terminum vite eorum et cuilibet eorum diucius viuenti Reddendo inde annuatim eisdem priori et conuentui et eorum successoribus sex solidos argenti vel auri ad duos anni terminos videlicet ad festa annunciationis beate Marie et sancti Michaelis equis porcionibus pro omnibus seruicijs saluo forinseco seruicio quod pertinet ad tantum tenementum in eadem villa Et si contingat predictum redditum sex solidorum fore in aretro in parte vel in toto ad aliquem terminum prenominatum bene liceat predictis priori et conuentui in omnibus predictis terris et tenementis cum suis pertinencijs distringere et districciones retinere quousque de arreragijs si qua sint plenarie fuerint satisfacti Et si contingat quod ulla sufficiens districcio ibidem inueniri non poterit vel si vastum factum fuerit de sustentacione domorum vel si dicte terre vel tenementa dimiss fuerint alicui per predictos Iohannem Matildam et Willelmum sine licencia ipsorum prioris et conuentus in quolibet casu predicto bene liceat predictis priori et conuentui et eorum successoribus in omnibus supradictis terris et tenementis cum suis pertinencijs reingredi et ea inperpetuum retinere ut liberum tenementum eorum absque calumpnio impedimento seu contradiccione ipsorum Iohannis Matilde et Willelmi Et quilibet eorum cum fuerit principalis tenens post decessum suum dabit dictis priori et conuentui melius animalem suum nomine herietti Et predicti Iohannes Matillis et Willelmus toto tempore prenominato domos et clausturas sumptibus eorum proprijs congrue sustentabunt et manutenebunt Et predicti prior et conuentus et eorum successores predictum mesuagium et predictas duas acras terre cum omnibus suis pertinenciljs in Bechampton prefatis Iohanni Matilde et Willelmo ad terminum vite eorum et cuilibet eorum diucius viuenti in forma supradicta contra omnes gentes warrantizabunt Ita quod post decessum ipsorum Iohannis Matilde et Willelmi predicta terra et tenementum prefatis priori et conuentui et eorum successoribus integre reuertantur In cuius rei testimonium vne parti huius indenture penes prefatos Iohannem Matildam et Willelmum residenti dicti prior et conuentus sigillum eorum commune apposuerunt alteri vero parti penes prefatos priorem et conuentum remanenti dicti Iohannes Matillis et Willelmus sigilla sua apposuerunt Hiis testibus Philippo le Wolf Iohanne Bray Iohanne Hauersham Willelmo Hed Iohanne Spens et multis aliis Dat apud Bechampton die et anno supradictis
Source (click image below to view full size)
