Charter Document - 03590741

Sciant presentes et futuri quod ego Henricus dictus Kyneman de Selueston dedi concessi et hac presenti carta mea confirmaui deo et beate Marie de Luffeld et monachis ibidem deo seruientibus vnam dimidiam virgatam terre cum pertinenciis excepto mesuagio in villa et campis de Bechampton illam scilicet quam tenui ad terminum vite de domino Willelmo de Bechampton milite in dicta villa cum vna acra et pertinenciis que vocatur Thoruouthaker Tenendam et habendam dictam dimidiam virgatam terre sicut antedictum est cum antedicta acra et pertinenciis dictis monachis et eorum successoribus libere quiete bene et in pace in liberam elemosinam toto tempore vite mee Reddendo inde annuatim quatuor solidos argenti dicto domino Willelmo de Bechampton ad quatuor anni terminos videlicet ad festum sancti Michaelis duodecim denarios et ad festum sancti Thome apostoli ante Nathale domini duodecim denarios et ad festum beate Marie in Marcio duodecim denarios et ad natiuitatem sancti Iohannis baptiste duodecim denarios et forinsecum seruicium domino regi pro tanta terra pro omnibus seruiciis consuetudinibus exactionibus et demandis omnimodis quibuscumque curiarum sectis Et ego vero dictus Henricus Kyneman et heredes mei dictam dimidiam virgatam terre et acram prenominatam cum earum pertinenciis sicut supradictum est dictis monachis et eorum successoribus contra omnes gentes warantizabimus atquietabimus et toto tempore uite mee defendemus Vt autem hec mea donacio concessio et carte mee confirmacio per totum tempus vite mee firmum robur optineant presenti scripto sigillum meum apposui in testimonium Hiis testibus domino Willelmo de Bechampton milite domino Hugone de Chastilon Ricardo filio eius magistro Iohanne de Bissemede Iohanne de Wikemulne et multis aliis