Charter Document - 03590736
| Charter Number: | 03590736 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1260 - 1265 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Bechampton miles concessi et hoc presenti scripto meo confirmaui priori et monachis de Luffeld vnam dimidiam virgatam terre cum prato et aliis suis pertinenciis in campis de Bechampton et cum vna acra terre que vocatur Thoruouthaker cum prato adiacente videlicet illam dimidiam virgatam terre cum pertinenciis et antedictam acram cum suis pertinenciis quam Henricus Kineman dictus de Selueston de me tenuit ad terminum vite sua in villa in villa et campis de Bechampton Tenend et habend dictam dimidiam virgatam terre cum dicta acra et omnibus aliis suis pertinenciis de me et heredibus meis dictis priori et monachis et eorum successoribus libero quiete bene et in pace in liberam elemosinam quamdiu dictus Henricus Kineman vixerit Reddendo inde annuatim michi et heredibus meis dicti prior et monachi quatuor solidos ad quatuor anni terminos videlicet ad festum sancti Michaelis duodecim denarios et ad festum sancti Thome apostoli duodecim denarios et ad festum beate Marie in Marcio duodecim denarios et ad festum sancti Iohannis baptiste duodecim denarios et forinsecum seruicium domini regis quantum pertinet tante terre pro omnibus seruiciis consuetudinibus exactionibus et demandis omnimodis quibuscumque curiarum sectis que ullo modo uel ullo iure uel aliquo casu contingente nomine dicte terre siue tenementis illius terre exigi poterunt Et ego vero dictus Willelmus miles et heredes mei dictam dimidiam virgatam terre et acram prenominatam cum omnimodis eius pertinenciis dictis priori et monachis sicut antedictum est et contra omnes gentes warantizabimus acquietabimus et per predictum redditum ad totam vitam dicti Henrici Kineman defendemus Antedicta vero dimidia virgata terre cum suis pertinenciis et cum acra prenominata et suis pertinenciis post obitum dicti Henrici Kineman michi et heredibus meis solute et quiete ac integre sine contradiccione dictorum prioris et monachorum seu alicuius hominis nomine illorum reuertetur reseruata tunc dictis monachis vestura in terra existente Vt autem hec mea concessio et presentis scripti mei confirmacio in omnibus ut antedictum est firmum robur teneant tam ego quam dicti prior et monachi hinc inde presentibus scriptis ad modum cirographi confectis sigilla nostra apposuimus in testimonium Hiis testibus domino Hugone de Chastilon Ricardo filio eius Roberto de Bray domino Hugone tunc rectore ecclesie de Thornton domino Henrico tunc rectore medietatis ecclesie de Bechampton magistro Iohanne de Bessemede magistro Henrico de Bechampton et aliis
Source (click image below to view full size)
