Charter Document - 03590729
| Charter Number: | 03590729 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1180 - 1189 |
| Date type: | Assigned |
| Resource Link(s): |
|
Charter:
Hamo filius Berner omnibus hominibus suis et amicis futuris et presentibus salutem Sciatis me dedisse et hac mea karta confirmasse Nicholao nepoti filio Widonis fratris mei duas uirgatas terre mee in Muresl scilicet illas quas Robertus et Willelmus filii Seied tenent cum omnibus pertinenciis que terre illi pertinent intra uillam et extra in boscis in planis in campis in pratis in pascuis illi et heredibus suis tenendas de me et heredibus meis liberas et quietas et solutas ab omni seruicio et omni consuetudine michi uel heredibus meis pertinenti et ipse Nicholaus predictus terram predictam de forensibus seruiciis adquietabit et hanc terram ei dedi pro seruicio suo et humagio Ideo uolo et firmiter precipio ut eam predictam terram teneat per libertates predictas ille et heredes sui de me et heredibus meis Hiis testibus Willelmo filio Hugonis Radulfo filio decani Roberto filio Willelmi Reginaldo filio Azur Rogero filio Azur Willelmo de Herdewich Waltero filio eius Malgero de Cuuesl Odone falconario Hamone filio eius Ricardo clerico de Horewid Willelmo capellano de eadem uilla Waltero filio eius Iohanne filio eius Ricardo fratre eius Waltero de la Merse Stephano de Orewid Willelmo filio Milonis de Dreit Ricardo Porter
Source (click image below to view full size)
