Charter Document - 03590728

Sciant presentes et futuri quod ego Willelmus de Bechamptun filius Willelmi de Bechamptun dedi et concessi et hac presenti carta mea confirmaui Henrico filio Roberti de Seluestun pro humagio et libero seruicio suo vnam dimidiam virgatam terre cum vno mesuagio et omnibus pertinenciis suis quam Willelmus de Cuttesgren quondam tenuit in villa de Bechamptun de antecessoribus meis Illam scilicet dimidiam virgatam terre que sic iacet in campis de Bechamptun scilicet in campo uersus Thornetun sex acras terre et vnam rodam cum pertinenciis et prato adiacente et pertinente et in campo uersus Calurintun septem acras terre cum omnibus pertinenciis suis et prato pertinente in Sidemede et illud mesuagium cum crofto et pertinenciis quod situm est inter domum Roberti molendinarii et domum Willelmi Euerard Tenendam et habendam dictam dimidiam virgatam terre cum mesuagio et prato et omnibus pertinenciis suis sicut predictum est de me et heredibus meis eorumque heredibus sibi et heredibus suis uel suis assignatis uel cuicumque et quibuscumque dare vendere assignare legare quacumque hora quocumque tempore quocumque loco siue in sanitate siue infirmitate voluerit saluis viris religiosis et Iudeis libere quiete bene et in pace in viis in aquis in semitis et pascuis et pasturis et in omnimodis aysiamentis et libertatibus infra villam de Bechamptun et extra saluis liberis dominicis meis adeo libere et quiete sicut aliqua donacio concessio et confirmacio melius uel liberius ac quietius poterit dari confirmari ac teneri ab omnibus seruiciis secularibus consuetudinibus et exaccionibus et omnibus sectis curie mee et heredum meorum eorumque heredum et omnimodis demandis que vllo modo uel vllo iure uel aliquo casu contingente a me uel ab heredibus meis nomine dicte terre et mesuagii et omnium eorum pertinencium exigi potuerint saluis duobus aduentibus per annum curie mee scilicet vnus aduentus infra quindenam Pasce et alius aduentus infra quindenam sancti Michaelis Et forinsecum seruicium quantum ad dictam terram pertinet Reddendo michi annuatim et heredibus meis ipse et heredes sui uel sui assignati duos solidos argenti ad duos terminos anni scilicet ad festum sancti Michaelis duodecim denarios Et ad festum beate Marie in Marcio duodecim denarios pro omnibus Et ego uero dictus Willelmus et heredes mei dicto Henrico et heredibus suis et suis assignatis dictam dimidiam virgatam terre cum mesuagio predicto et omnibus pertinenciis suis et libertate predicta sicut predictum est contra omnes gentes warantizabimus acquietabimus et in omnibus defendemus per predictum seruicium Vt autem hec mea donacio concessio et carte mee confirmacio rata et stabilis perseueret huic presenti scripto sigillum meum apposui in testimonium Hiis testibus domino Hugone de Castilon domino Ricardo filio Ricardi de Leychamstede Roberto filio Nigelli magistro Hugone de Stratford Iohanne de Wykemuln Ada le Rok Ricardo Tripaci de Thorneberg Galfrido le frankeleyn Hugone filio Hugonis de eadem Ricardo Purcel et multis aliis