Charter Document - 03590724
| Charter Number: | 03590724 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1265 |
| Date type: | Assigned |
| Resource Link(s): |
|
Charter:
Sciant presentes et futuri quod ego Henricus dictus Kineman filius Roberti de Selueston dedi concessi et hac mea presenti carta confirmaui deo et beate Marie de Luffeld et monachis ibidem deo seruientibus illam virgatam terre cum mesuagio et crofto et prato et omnibus aliis pertinenciis in villa de Bechampton et extra quam habui de dono Henrici rectoris ecclesie de Bechampton auunculi mei Tenend et habend dictam virgatam terre cum mesuagio et crofto et omnibus aliis pertinenciis de me et heredibus meis sibi et successoribus suis in perpetuam elemosinam Reddendo inde annuatim domino feodi quatuor solidos ad duos anni terminos videlicet ad festum sancti Michaelis duos solidos et ad festum beate Marie in Marcio duos solidos et domino regi forinsecum seruicium tantum quantum ad tantam terram pertinet pro omnibus Et ego vero dictus Henricus Kineman dictam virgatam terre cum crofto et aliis pertinenciis suis prout antedictum est dictis monachis et eorum successoribus contra omnes gentes warantizabimus defendemus et inperpetuum atquietabimus Vt autem hec mea donacio concessio et carte mee confirmacio rata et stabilis inperpetuum perseueret presenti scripto sigillum meum apposui in testimonium Hiis testibus domino Willelmo de Bechampton milite domino Hugone de Chastilon Ricardo filio eius magistro Iohanne de Bichemede Ricardo Grusset Iohanne de Wikemulne Iohanne de Calurinton et multis aliis
Source (click image below to view full size)
