Charter Document - 03590723
| Charter Number: | 03590723 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1265 |
| Date type: | Assigned |
| Resource Link(s): |
|
Charter:
Sciant presentes et futuri quod ego Henricus dictus Kyneman filius Roberti de Selueston dedi concessi et hac mea presenti carta confirmaui deo et beate Marie de Luffeld et monachis ibidem deo seruientibus illam dimidiam virgatam terre cum mesuagio et crofto et prato et omnibus aliis pertinenciis in villa de Bechampton et extra quam habui de dono domini Willelmi de Bechampton militis Tenend et habend dictam dimidiam virgatam terre cum mesuagio et crofto et omnibus aliis pertinenciis de me et heredibus meis sibi et successoribus suis in perpetuam elemosinam Reddendo inde annuatim dicto domino Willelmo et heredibus suis duos solidos argenti ad duos anni terminos scilicet ad festum sancti Michaelis duodecim denarios et ad festum beate Marie in Marcio duodecim denarios et forinsecum seruicium domino regi tantum quantum ad tantam terram pertinet pro omnibus seruiciis consuetudinibus exaccionibus et demandis omnimodis quibuscumque curiarum sectis Et ego vero dictus Henricus Kyneman et heredes mei dictam dimidiam virgatam terre cum mesuagio et crofto et aliis pertinenciis suis prout ante dictum est dictis monachis et eorum successoribus contra omnes gentes warantizabimus atquietabimus et inperpetuum defendemus Vt autem hec mea donacio concessio et carte mee confirmacio inperpetuum perseuerent presenti carte mee sigillum meum apposui in testimonium Hiis testibus domino Willelmo de Bechampton milite domino Hugone de Chastilon milite Ricardo filio eius magistro Iohanne de Bissemede Ricardo Grusscet Iohanne de Calurinton et multis aliis
Source (click image below to view full size)
