Charter Document - 03590706
| Charter Number: | 03590706 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1312 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Willelmus de Heliden filius et heres quondam Henrici de Heliden in Thorneburgh dedi concessi et hac presenti carta mea confirmaui Ade le Vauasur filio et heredi Willelmo le Vauasur de Lecamstud totum tenementum meum quod habui nomine hereditatis post decessum predicti Henrici patris mei in eadem cum reditibus liberorum et cum omnibus suis pertinencijs infra villam et extra Habendum et tenendum predictum tenementum cum reditibus et omnibus suis pertinencijs supradictis sibi et heredibus suis vel suis assignatis libere quiete bene et in pace ab omnibus seruicijs imperpetuum Faciendo eciam capitali domino feodi illius seruicia inde debita et consueta Et ego vero predictus Willelmus de Heliden et heredes mei vel mei assignati predictum tenementum vt predictum est cum reditibus et omnibus suis pertinencijs predicto Ade et heredibus suis vel suis assignatis contra omnes gentes warantizabimus et vbique imperpetuum defendemus In cuius rei testimonium presenti carte sigillum meum apposui Hijs testibus domino Iohanne de Woluerton domino Ricardo vicario de Thorneburgh Roberto Dammori Radulfo le Frayn Willelmo Michel Willelmo de Bourton et multis alijs Dat apud Thorneburgh die sancti Hillarij anno regni regis Edwardi filij regis Edwardi quinto
Source (click image below to view full size)
