Charter Document - 03590704

Die dominica proxima post festum natiuitatis beate Marie anno regni regis Ricardi secundi a conquestu secundo ita conuenit inter fratrem Willelmum priorem de Luffeld et eiusdem loci conuentum ex parte vna et Nicholaum Smyt de Thorneberch et Iohannam vxorem eius et Iohannem filium eorundem ex parte altera videlicet quod predicti prior et conuentus tradiderunt concesserunt et ad firmam dimiserunt prefatis Nicholao Iohanne et Iohanni ad terminum vite eorum et cuilibet eorum diucius viuenti vnum tenementum cum vna acra terre arabilis et prato eidem adiacente in Thorneberche quod quidem tenementum situm est inter tenementum sancti Iohannis ex parte vna et tenementum Ricardi filii Helene ex parte altera Habendum et tenendum de predictis priore et conuentu de Luffeld et eorum successoribus predictum tenementum et predictam acram terre cum prato eidem adiacente prefatis Nicholao Iohanne et Iohanni ad terminum vite eorum et cuilibet eorum diucius viuenti Reddendo inde annuatim eisdem priori et conuentui et eorum successoribus xxiiij d ad duos anni terminos videlicet ad festum natiuitatis beate Marie et sancti Michaelis equis porcionibus pro omnibus seruiciis saluo forinceco seruicio quantum pertinet ad tantum tenementum in eadem villa Et si contingat predictum redditum xxiiij d fore aretro in parte vel in toto per xv dies post terminum prenominatum tunc bene liceat priori et conuentui in predicta terra et tenemento cum prato eidem adiacente distringere et districciones retinere quousque de arreragiis si qua fuerint plenarie fuerit satisfactum Et si contingat quod nullam sufficientem districcionem ibidem inuenire non potuerint vel si vastum fuerit factum de sustentacione domorum vel si dicta terra vel tenementum dimissa fuerint alicui per predictos Nicholaum Iohannam et Iohannem sine licencia ipsorum prioris et conuentus in quolibet casu predicto bene liceat predictis priori et conuentui et eorum successoribus in omnibus supradictis reingredi et ad perpetuum retinere vt liberum tenementum eorum absque calumpnia et impedimento seu contradiccione ipsorum Nicolai Iohanne et Iohannis Et quilibet eorum qui fuerit principalis tenens post decessum suum dabit dictis priori et conuentui melius animal suum nomine herieti Et predicti Nicholaus Iohanna et Iohannes toto tempore prenominato domos et clausturas sumptibus eorum propriis congrue sustentabunt et manutenebunt Et predicti prior et conuentus et eorum successores predictum tenementum et predictam acram terre cum prato eidem adiacente in Thorneberche prefato Nicholao Iohanne et Iohanni ad terminum vite eorum et cuilibet eorum diucius viuenti in forma predicta contra omnes gentes warantizabunt Ita quod post decessum eorum Nicholai Iohanne et Iohannis predicta terra et tenementum prefatis priori et conuentui et eorum successoribus integre revertantur In cuius rei testimonium vni parti huius indenture penes prefatis Nicholaum Iohannam et Iohannem residenti dicti prior et conuentus sigillum eorum commune apposuerunt Alteri vero parti penes prefatos priorem et conuentum remanenti dicti Nicholaus Iohanna et Iohannes siggilla sua apposuerunt Hijs testibus Iohanne Wykyns Hugone Adam Willelmo Smyt Iohanne Thomelyn Hugone Kynggysbryg Dat apud Luffeld die et anno supradicto