Charter Document - 03590697
| Charter Number: | 03590697 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1319 |
| Date type: | Internal, Feast, Regnal, Lunar |
| Resource Link(s): |
|
Charter:
Anno regni regis Edwardi filii regis Edwardi duodecimo die lune in festo sancti Gregorii pape ita conuenit inter fratrem Iohannem priorem de Luffeld et eiusdem loci conuentum ex parte vna et Hugonem fabrum Agnetam et Christianam filias suas de Thorneberg ex altera videlicet quod predicti prior et conuentus tradiderunt et dimiserunt predictis Hugoni Agneti et Christiane ad totam vitam suam illud mesuagium cum curtilagio in Thorneberg quod situm est ex opposito portam magistri hospitalis sancti Iohannis Oxonie in Thorneberg quod quidem mesuagium Iohannes de Cortenhale et Iuliana de Fraxino quondam tenuerunt Habendum et tenendum predictum mesuagium cum curtilagio predictis Hugoni Agneti et Christiane ad totam vitam illorum Faciendo inde annuatim predictis priori et conuentui et eorum successoribus tres solidos per annum videlicet ad festum beate Marie in Marcio octodecim denarios et ad festum sancti Michaelis archangeli octodecim denarios et omnia alia seruicia quoquo modo debita et consueta ad dictum mesuagium pertinencia Pro hac autem conuencione et dimissione predicti Hugo Agneta et Christiana dederunt predictis priori et conuentui septem solidos argenti premanibus in gersummam Predicti uero prior et conuentus predictum mesuagium cum curtilagio predictis Hugoni Agnete et Christiane quam diu vixerint vel cui eorum diucius vixerit sicut predictum est pro predicto seruicio contra omnes gentes warantizabunt aquietabunt et vbique defendent In cuius rei testimonium presentibus scriptis bipartitis predicte partes alternatim sigilla sua apposuerunt Hiis testibus Willelmo Michel Radulpho de Fraxino Willelmo de Grangia Hugone de Kyngesbrugg Willelmo de Helyden et multis aliis
Source (click image below to view full size)
