Charter Document - 03590694
| Charter Number: | 03590694 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Inquisition |
| Date: | 1342 |
| Date type: | Internal, Feast, Regnal |
| Resource Link(s): |
|
Charter:
Inquisicio capta apud Bukyngham die sabati proxima post festum epiphanie domini anno regni regis Edwardi tercij a conquestu quintodecimo coram Philippo de Byk et socijs suis assessoribus et collectoribus lanarum in comitatu Buk domino regi ad parliamentum suum in quindeno pasche vltimo concessarum pretextu cuiusdam brevis domini regis huic inquisicioni confecte per sacramentum Thome de Barton Iohannis de Boueton Iohannis de Morton Iohannis de Holt Benedicti Berner Iohannis de Boykote Stephani le Bailliff Willelmi le Venour Radulphi Roger Iohannis Rauf Roberti Rauenyng Thome le Bole iuratorum Qui dicunt per sacramentum suum quod vbi homines villate de Thornburgh domino regi suggerunt quod prior de Luffeld tenet quatuordecim virgatas terre in eadem villa spiritualibus ipsius prioris non annexas et quod idem prior ratione eiusdem terre in singulis taxacionibus et auxilijs domino regi per communitatem regni sui concessis cum hominibus villate predictis contribuere debeat et hactenus consueuit quod idem prior tenet in eadem villa dictas quatuordecim virgatas terre spiritualibus ipsius prioris annexas et quod idem prior in singulis taxacionibus et auxilijs sibi per communitatem regni sui concessis cum hominibus villate predicte contribuere non debet In cuius rei testimonium predicti iuratores sigilla sua presentibus apposuerunt Dat die anno et loco supradictis
Source (click image below to view full size)
