Charter Document - 03590687
| Charter Number: | 03590687 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1349 |
| Date type: | Internal, A.D., Feast, Regnal |
| Resource Link(s): |
|
Charter:
Hec indentura facta die mercurii in festo sancte Katerine anno regni Edwardi tercij post conquestum vicesimo tercio testatur quod ita conuenit inter fratrem Willelmum priorem de Loffeld et eiusdem loci conuentum ex parte vna et Henricum filium quondam Iohannis de Fynmer de Thorneberge ex altera videlicet quod idem prior et conuentus concesserunt et dimiserunt predicto Henrico vnum mesuagium et vnam virgatam terre in Thorneberg cum pertinenciis suis illa videlicet que predictus Iohannes pater suus et Sibilla vxor eius tenuerunt de predictis priore et conuentu ad terminum vite Habend et tenend predictum mesuagium et predictam virgatam terre cum pertinenciis suis predicto Henrico ad terminum vite sue et post decessum suum per quadraginta dies Reddendo inde annuatim predictis priori et conuentui decem solidos argenti ad festa sancti Michaelis arkangeli et annunciacionis beate Marie equis porcionibus et post decessum suum dabit melius averium suum predictis priori et conuentui nomine herietti et faciet sectam curie eorundem in Thorneberg et soluet forinsecum seruicium quantum pertinet ad tantum in eadem villa pro omnibus aliis seruiciis et secularibus demandis Et predictum mesuagium et predicta virgata terre cum pertinenciis predictis priori et conuentui integre sine alicuius contradiccione remanebunt post predictos quadraginta dies post decessum ipsius Henrici vt premittitur [] contra omnes gentes warantizabimus et defendemus Hiis testibus Rogero le Warde Rogero Kyngisbrig Iohanne at the Graunge Iohanne Tomlins Iohanne Skelton et aliis Dat apud Thorneberg die et anno domini regis supradictis et anno ab incarnacione domini millesimo cccxl nono
Source (click image below to view full size)
