Charter Document - 03590686

Die dominica post festum Epiphanie domini anno regni regis Ricardi secundi a conquestu primo ita conuenit inter fratrem Willelmum priorem de Luffelde et eiusdem loci conuentum ex parte vna et Hugonem iuniorem filium Christiane Webbe de Thorneburgh et vxorem suam primam et Iohannem filium vel Iohannam filiam eorundem ex altera videlicet quod predicti prior et conuentus tradiderunt concesserunt et ad firmam dimiserunt eidem Hugoni et vxori sue prime et Iohanni vel Iohanne filijs eorum ad terminum vite eorum et cuilibet eorum diucius viuenti vnum tenementum vocatum Fraynisplace cum columbario et cum sexdecim acris terre arabilis cum prato adiacente et cum prato vocato Primtunismede cum omnibus suis pertinencijs in Thorneburgh que quondam Simon Dakyny tenuit de predictis priore et conuentu et que quondam tenementum situatum inter tenementum Henrici Aspilon ex parte vna et regiam viam ex altera Habendum et tenendum de predictis priore et conuentu et eorum successoribus predictum tenementum cum columbario et cum predictis terris et prato cum suis pertinencijs prefatis Hugoni vxori sue et Iohanni vel Iohanne filijs eorundem ad terminum vite eorum et cuilibet eorum diucius viuenti Reddendo inde annuatim toto tempore prenominato predictis priori et conuentui et eorum successoribus decem solidos argenti ad tres anni terminos videlicet ad festum annunciacionis beate Marie tres solidos et quatuor denarios et duas gallinas ad festum Natiuitatis domini et ad festum natiuitatis sancti Iohannis baptiste tres solidos et quatuor denarios et ad festum sancti Michaelis tres solidos et quatuor denarios et sectam curie Et faciendo nichilominus predictis priori et conuentui omnia forinseca seruicia quantum pertinet ad tantam terram et tenementum in eadem villa et quilibet eorum qui fuerit principalis tenens post decessum suum heriettabit vel si dictum tenementum vel terram vacuauerint in vita eorum eciam heriettabunt Et predicti Hugo vxor sua et Iohannes filius eorundem vel Iohanna filia eorundem vnam aulam cum celario et solario et sereu et boscar cum columbario et pistrum ibi competenter scita suis proprijs sumptibus sustentabunt Non arbores in predicto loco crescentes scindent sine visu prioris seu sui celarij Et si contingat predictum redditum decem solidorum post aliquem terminum predictum aretro esse in parte vel in toto post quindecim dies quod tunc bene liceat predictis priori et conuentui et eorum successoribus in predictis terris et tenemento et prato distringere et districciones quo voluerint abducere et penes se retinere quousque de arreragijs si que sint plenarie fuerint satisfacti Et si contingat quod nullam sufficientem districcionem inveniri non poterit in predictis terris [et] tenemento vel quod eas sic edificatas non competenter sustentauerint vel si predicta terra tenementum vel prata seu aliqua parcella earundem dimissa fuerit alicui per predictos Hugonem vxorem suam primam Iohannem filium eorundem vel Iohannam filiam eorundem reingredi et ea retinere imperpetuum absque contradiccione calumpnia vel impedimento dictorum Hugonis vxoris sue prime et Iohannis filij eorundem vel Iohanne filie eorundem nec aliquis predictorum tenens tenebit alterius domini Et predicti prior et conuentus et eorum successores predictum tenementum cum columbario cum predictis terris et prato cum suis pertinencijs suis Hugoni et vxori sue prime et Iohanne vel Iohanna ad terminum vite eorum et cuilibet eorum diucius viuenti in forma superscripta contra omnes gentes warantizabunt Ita quod post decessum eorum omnia predicta terre tenementum et prata cum suis pertinencijs prefatis priori et conuentui integre reuertentur In cuius rei testimonium huic indenture sigilla sua alternatim apposuerunt Hijs testibus Hugone Michel Willelmo Smyth Rogero Kingebrug et alijs multis