Charter Document - 03590682
| Charter Number: | 03590682 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1363 |
| Date type: | Internal, Feast, Regnal |
| Resource Link(s): |
|
Charter:
Nouerint vniuersi per presentes nos Willelmum priorem monasterij de Luffelde et eiusdem loci conuentum tradidisse concessisse et ad terminum vite dimisisse Willelmo Heynes de Thorneborw Isolde vxori eius et Iohanni filio eorum totum tenementum nostrum et vnam virgatam terre que Henricus filius Ade Haspilon de nobis quondam tenuit [in bondagio in villa] et campis de Thorneborw Habend et tenend totum predictum tenementum et totam predictam terram cum omnibus suis pertinencijs predictis Willelmo Heynes Isolde et Iohanni ad totam vitam eorum uel vni eorum diucius viuenti libere et pacifice Reddendo inde annuatim nobis uel successoribus nostris decem solidos argenti ad duos anni terminos videlicet ad festum annunciacionis sancte Marie virginis et sancti Michaelis per equales porciones Et si predictus redditus fuerit aretro in parte uel in toto per quindecim dies post aliquem terminum prenominatum tunc bene liceat nobis uel successoribus nostris in predictis terris et tenemento distringere et districcionem asportare effugare et districcionem retinere quousque de predicto redditu cum arreragijs nobis uel successoribus nostris plenarie fuerit satisfactum Et preterea dicti Willelmus Isolda et Iohannes facient omnia seruicia que ad dictas terras et tenemento pertinent et sectam curie nostre quociens tenta fuerit in Thorneborw facient Et cum dictus Willelmus vitam finiuerit nobis et successoribus nostris pro heriotta meliorem bestiam dabit et si predicta Isolda post decessum dicti Willelmi predictas terras et tenementum per vnum diem et vnam noctem tenuerit heriottam insimul nobis uel successoribus nostris dabit et eodem modo Iohannes filius dictorum Willelmi et Isolde faciet Et quilibet dictorum Willelmi et Isolde et Iohannis predictas terras et tenementum in adeo bono statu uel meliori sustentabunt quo ea susceperunt Et [nullus dictorum Willelmi] Isolde et Iohannis aliquod boscum et meremium in dicto tenemento cecabit sine licencia nostra vel successorum nostrorum [Et nos predicti] Willelmus prior de Luffelde et eiusdem loci conuentus et successores nostri totam predictam terram et totum predictum tenementum cum omnibus suis [pertinencijs predictis] Willelmi Heynes Isolde et Iohanni ad totam vitam eorum seu vni eorum diucius viuenti in forma predicta contra omnes gentes warantizabimus In cuius rei testimonium huic indenture sigilla nostra alternatim apposuimus Testibus Iohanne Tomekyn [de Thorneborw] Hugone Michel [de eadem] Iohanne Vikere de eadem Henrico Finemer de eadem Iohanne Strut et alijs Dat [apud Luffelde] die dominica proxima post festum sancti Luce euangeliste anno regni regis Edwardi tercij a conquestu tricesimo septimo
Source (click image below to view full size)
