Charter Document - 03590680
| Charter Number: | 03590680 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1328 |
| Date type: | Internal, Feast, Regnal |
| Resource Link(s): |
|
Charter:
Anno regni regis Edwardi tercii a conquestu secundo in festo sancti Martini ita conuenit inter fratrem Iohannem priorem de Luffeld et conuentum eiusdem loci ex parte vna et Symonem Ricard in Thorneberge et Matildam vxorem eius primam ex altera videlicet quod dicti prior et conuentus tradiderunt ac dimiserunt dicto Symoni et Matilde vxori sue prime post dicessum Matilde de Kyngesbrugge vnice et legitime ad totam vitam eorum vel cui eorum diucius vixerit vnum mesuagium cum crofto et curtillagio in villa de Thorneberge quod Hugo de Kingesbrugge quondam tenuit in eadem villa quod quidem situm est inter mesuagium Willelmi Michel ex parte vna et Hugonem de Kingesbrugge ex altera Habendum et tenendum dictum mesuagium cum crofto et curtillagio et cum omnibus suis pertinenciis ad total vitam dictorum Symonis et Matilde vxoris sue prime vnice libere quiete bene et in pace Reddendo inde annuatim dictis priori et conuentui duos solidos et sex denarios ad duos anni terminos videlicet ad festum sancti Michaelis quindecim denarios et ad festum annunciacionis beate Marie in Marcio quindecim denarios et forinsecum seruicium quantum pertinet ad tantum tenementum in eadem villa et vnicam sectam ad curiam dictorum prioris et conuentus proximam post festum Pasche Dicti uero Symon et Matilda vxor eiusdem prima tenementum predictum in adeo bono statu quam inuenerint seu in meliori sustentabunt Nec licebit eis dictum mesuagium cum omnibus pertinenciis suis alicui vendere in pignorare nec aliquo alio modo infra terminum dictum alienare set omnia ad dictum mesuagium pertinencia in bono statu custodire Dicti autem prior et conuentus dictum mesuagium cum omnibus pertinenciis suis ad totam vitam dictorum Simonis et Matilde vxoris sue prime contra omnes gentes warantizabunt et defendent Pro hac autem tradicione et dimissione dedit predictus Symon dictis priori et conuentui viginti solidos in gersummam In cuius rei testimonium tam dicti prior quam dictus Symon et vxor eius huic presenti scripto in modum cirographi confecto alternatim sigilla sua apposuerunt Hiis testibus Willelmo Michel Radulpho Frein Henrico de Grangia Willelmo Helinden et aliis
Source (click image below to view full size)
