Charter Document - 03590678
| Charter Number: | 03590678 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1349 |
| Date type: | Internal, Feast, Regnal |
| Resource Link(s): |
|
Charter:
Hec indentura facta die mercurii in festo sancte Katerine anno regni regis Edwardi tercij post conquestum vicesimo tercio testatur quod ita conuenit inter fratrem Willelmum priorem de Luffeld et eiusdem loci conuentum ex vna parte et Henricum filium quondam Iohannis de Fynemere de Thornbergh ex altera et Agnetem uxorem eius videlicet quod idem prior et conuentus concesserunt et dimiserunt predictis Henrico et Agneti vnum mesuagium et vnam virgatam terre in Thornbergh cum pertinenciis suis illam videlicet quam predictus Iohannes pater suus et Sibilla vxor eius tenuerunt de predictis priore et conuentu ad terminum vite Habendum et tenendum predictum mesuagium et predictam virgatam terre cum pertinenciis suis predicto Henrico et Agneti vxori eius ad terminum vite eorundem Reddendo inde annuatim predictis priori et conuentui decem solidos argenti ad festa sancti Michaelis archangeli et annunciacionis beate Marie equis porcionibus et post decessum suum dabit melius auerium suum predictis priori et conuentui nomine herieti et faciet sectam curie eorundem in Thornberge et soluet forinsecum seruicium quantum pertinet ad tantum tenementum in eadem villa pro omnibus aliis seruiciis et secularibus demandis Et predictum mesuagium et predicta virgata terre cum pertinenciis predictis priori et conuentui integre sine alicuius contradiccione remanebunt post decessum eorundem Henrici et Agnetis et eorum diucius viuentis Et nos predicti prior et conuentus et successores nostri predictum mesuagium et dictam virgatam terre cum pertinenciis predictis Henrico et Agneti vt premittitur contra omnes gentes warantizabimus Hiis testibus Rogero le Warde Rogero Kyngesbrugge Iohanne atte Grange Iohanne Thomelyns Iohanne de Schelton et aliis Data apud Thornbergh die et anno domini regis supradictis Et anno ab incarnacione domini millesimo CCC quadragesimo nono Et predicta Apes vxor predicti Henrici si ipsum Henricum virum suum superuixerit dabit melius auerium suum nomine herieti cum obierit
Source (click image below to view full size)
