Charter Document - 03590677
| Charter Number: | 03590677 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1270 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Roberti le Frankeleyn de Magna Horwod dedi concessi et hac presenti carta mea confirmaui Hugoni filio Thome de Thorneberg pro escambio terre quam mihi dedit in Magna Horwod prout carta quam inde mihi fecit testatur et pro homagio et seruicio suo scilicet mesuagium meum in Thorneberg iacens iuxta tenementum abbatis de Butlesden quod Willelmus le Hewe quodam tenuit et totam terram meam quam habui in villa de Thorneberg et in campis eiusdem ville videlicet decem acras terre et vnam dimidiam rodam et totum pratum quantum pertinet ad eandem terram et in eadem villa cum omnibus pertinencijs suis Tenendum et habendum eidem Hugoni et heredibus suis et suis assignatis de me et heredibus meis uel meis assignatis et cuicunque dictam terram cum omnibus pertinencijs suis dare legare vendere uel assignare uoluerit libere quiete bene et in bona pace in pratis pascuis pasturis vijs semitis et in omnibus libertatibus et aysiamentis dicte terre et prato aliquo modo pertinentibus inperpetuum Reddendo inde annuatim mihi et heredibus meis uel meis assignatis ipse et heredes sui uel eorum assignati vnam rosam die natiuitatis Iohannis baptiste et priori de Luffeld quindecim denarios ad duos terminos anni scilicet ad festum sancti Michaelis septem denarios et obolum et ad festum sancte Marie in Martio septem denarios et obolum et forinsecum seruicium quantum pertinet ad tantum tenementum eiusdem feodi in eadem villa pro omnibus seruicijs consuetudinibus exactionibus et omnimodis demandis inperpetuum Et ego predictus Willelmus et heredes mei et mei assignati dictum mesuagium et totam terram predictam cum prato et omnibus pertinencijs ut predictum est predicto Hugoni et heredibus suis et suis assignatis contra omnes homines et feminas warantizabimus acquietabimus et per predictum seruicium in perpetuum defendemus saluo tamen ut predictum seruicio forinseco Vt autem hec mea donacio concessio warantizacio et presentis carte mee confirmacio rata et stabilis in perpetuum permaneat hanc presentem cartam meam sigilli mei impressione roboraui Hijs testibus Galfrido Berner Iohanne Frank Willelmo de Fraxino Thoma Bycun Hugone Kabat Hamone filio Thome Hugone de Heliden Henrico Chychely Willelmo le Neuman de Sencleberwe Galfrido clerico de eadem et alijs
Source (click image below to view full size)
