Charter Document - 03590676

Anno regni regis Edwardi tercij a conquestu sexto decimo die dominica proxima post festum purificacionis beate Marie Ita conuenit inter fratrem Iohannem de Westbur priorem de Luffeld et eiusdem loci conuentum ex parte vna et Matilda filia Willelmi de Grange de Thorneberg ex parte altera videlicet quod dicti prior et conuentus tradiderunt et concesserunt post decessum dicti Willelmi predicte Matilde et proximo marito suo ad totam vitam illorum vel cui eorum diutius vixerit illud mesuagium cum quatuor buttis adiacentibus quod situm est inter mesuagium Hugonis Bercarii ex parte vna et mesuagium Hugonis filij Iohannis Adam ex parte altera Habendum et tenendum dictum mesuagium cum quatuor buttis adiacentibus et cum omnibus pertinenciis suis predicta Matilda et proximus maritus suus ad totam vitam illorum vel cui eorum diucius vixerit bene et in pace Reddendo inde annuatim predictis priori et conuentui predicta Matilda et proximus maritus suus quamdiu vixerint vel qui eorum diutius vixerit tres solidos et duos denarios ad duos anni terminos videlicet ad festum annunciacionis beate Marie nouemdecim denarios et ad festum sancti Michaelis nouem decem denarios pro omnibus seruiciis exceptis curie sectis et forinseco domini regis seruicio et aliis seruiciis inde debitis et consuetis Et si contingat quod predicta Matilda et proximus maritus suus in solucione predicti redditus ad terminos statutos in toto vel in parte defecerint quod absit vel destructionem aud vastum in predicto tenemento vel alienacionem seu vendicionem quoquo modo fecerint ex tunc bene licebit predictis priori et conuentui tenore istius scripti in predictum mesuagium intrare et sine contradictione predicte Matilde et proximi mariti sui seu alicuius alterius nomine illorum in pace retinere quousque eisdem priori et conuentui tam de dampnis quam de arreragiis et de omnibus aliis appendiciis plenaria fuerit satisfactum Predicti vero prior et conuentus predictum mesuagium cum quatuor buttis adiacentibus et cum omnibus suis pertinenciis predicte Matilde et proximo marito suo quamdiu vixerint vel cui eorum diutius vixerit warantizabunt et defendent In cuius rei testimonium predicte partes huic presenti scripto in modum cirograffi confecto sigilla sua alternatim apposuerunt Hiis testibus Willelmo Michel de Thorneberg Henrico de Fraxino de eadem Willelmo Kingesbrig Willelmo Helinden Ricardo Coco et aliis