Charter Document - 03590670
| Charter Number: | 03590670 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1243 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Bernerus de Horwode dedi concessi et hac presenti carta mea confirmaui Radulfo de Shaldestun capellano vicario de Thorneberge pro homagio suo et seruicio totam illam terram cum omnibus pertinencijs in Thorneberge quam aliquando tenui de domino Willelmo filio Hamonis Habendam et tenendam de me et de heredibus meis predicto Radulfo et heredibus suis et cuicumque et quibuscumque illam dare vendere assignare aut legare uoluerit siue in sanitate siue in infirmitate libere quiete pacifice et integre inperpetuum Reddendo inde annuatim michi et heredibus meis vnum denarium scilicet ad festum sancti Michaelis pro omnibus seruicijs consuetudinibus exactionibus sectis curie et demandis saluo seruicio forinseco Et ego predictus Bernerus et heredes mei totam predictam terram cum omnibus pertinencijs suis predicto Radulfo et heredibus suis et cuicumque et quibuscumque et quandocumque dare vendere assignare aut legare uoluerit et in sanitate et in infirmitate contra omnes homines et feminas warantizabimus acquietabimus et defendemus inperpetuum Pro hac autem donatione confirmatione et warantizatione dedit michi predictus Radulfus quadraginta marcas argenti in gersumam Vt autem hec mea donacio confirmacio et warantizacio firmitatis robur inperpetuum obtineat presentem cartam meam sigilli mei inpressione roboraui Hijs testibus domino Stephano de Haya domino Hugone de Castillun domino Ricardo filio Ricardi Roberto de Westmonasterio Ricardo Tripacy Roberto filio Elye Michaele filio eius Iohanne de Padebir Roberto le Deueneys Ricardo de Suleburi Willelmo de Heliden et alijs
Source (click image below to view full size)
