Charter Document - 03590663
| Charter Number: | 03590663 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1243 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod ego Alicia filia Willelmi frankelani de Thorneberge dedi et concessi et hac presenti carta mea confirmaui deo et beate Marie de Luffeld et monachis ibidem deo seruientibus in liberam et puram et perpetuam elemosinam duas acras terre et unam rodam et quartam partem vnius rode cum pertinenciis in campis de Thorneberge scilicet unam rodam ad Croulekemor et unam rodam super Longelauerkehul et unam rodam et dimidiam ad Grenemere et duas rodas in crofto et unam rodam into the forde unam rodam super Elrenestob iuxta terram Gylberti Koc unam rodam under Hedone et dimidiam partem unius rode et quartam partem unius rode desuper le Mulnecroft et quicquid michi uel heredibus meis accidere potest de dote Beatricis matris mee et de dote Matildis de Lillingeston que fuit uxor Roberti fratris mei cum omnibus pertinenciis Tenendas et habendas de me et heredibus meis sibi et successoribus suis dictas duas acras terre et dimidiam et quartam partem unius rode cum pertinenciis et prenominatis libere et quiete bene et pacifice inperpetuum Reddendo inde annuatim domino feodi quantum ad dictam terram pertinet et forinsecum seruicium Ego uero dicta Alicia et heredes mei predictas duas acras terre et dimidiam et quartam partem unius rode cum pertinenciis et cum omnibus sicut predictum est michi et heredibus meis accidentibus predictis monachis et eorum successoribus contra omnes gentes warantizabimus et acquietabimus per predictum seruicium inperpetuum Vt autem hec mea donacio et carte mee confirmacio rata et stabilis permaneat presentem hanc cartam sigilli mei inpressione roboraui Hiis testibus domino Radulfo uicario de Thorneberge Reginaldo de Fraxino Rogero Foliot Willelmo de Helidene Ricardo Tripaci Iohanne de Padeburi Geruasio et multis aliis
Source (click image below to view full size)
