Charter Document - 03590662

Sciant presentes et futuri quod ego Matildis filia Hugonis quondam fabri de Hedendun dedi et concessi et hac presenti carta mea confirmaui deo et beate Marie de Luffeld et monachis ibidem deo seruientibus in liberam et perpetuam elemosinam totum tenementum meum cum omnibus pertinenciis in villa de Thorneberge quantum michi contingebat hereditarie de hereditate Iuliane matris mee de tenemento Willelmi quondam frankelani de Thorneberge aui mei videlicet terciam partem vnius rode ad Hechegate inter terram Willelmi clerici et terram Basile et terciam partem vnius rode ad le Mulnewul iuxta terram Basile et terciam partem vnius rode ad Eldernestub iuxta terram Reginaldi de Fraxino et terciam partem vnius rode et dimidie into the Farnbroc iuxta Matildam de Lillingestan et terciam partem vnius rode ad Markemor inter terram Iohannis de Thorenton et terram Reginaldi de Fraxino et terciam partem vnius rode super Stonihull iuxta terram Basile et terciam partem vnius rode super Ortnutehull que se extendit into Langedene et terciam partem vnius dimidie acre ette Koppedemor iuxta viam et terciam partem duorum sellionum in crofto Tenendum et habendum de me et de heredibus meis predictis monachis et eorum successoribus libere quiete pacifice et integre inperpetuum Reddendo inde annuatim domino feodi vnum denarium ad duos anni terminos scilicet ad festum beate Marie in Marcio vnum obolum et ad festum sancti Michaelis vnum obolum pro omni seruicio saluo forinseco Ego uero dicta Matilda et heredes mei predictum tenementum predictis monachis et eorum successoribus contra omnes gentes warantizabimus et adquietabimus per predictum seruicium inperpetuum Et vt hec mea donacio concessio et carte mee confirmacio rata et stabilis permaneant hanc presentem cartam meam sigillo meo roboraui Hiis testibus Reginaldo de Fraxino Roberto de Westmonasterio Rogero Foliot Willelmo de Helydene Ricardo Tripaci Iohanne de Padebur Hugone de Helydene Geruasio de Thorneberge et multis aliis