Charter Document - 03590654
| Charter Number: | 03590654 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1256 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum peruenerit dominus Iohannes filius Alani dominus de Wolurinton salutem in domino sempiternam Noueritis me concessisse et presenti scripto confirmasse pro salute anime mee et omnium antecessorum et successorum meorum deo et beate Marie de Luffeld et monachis ibidem deo seruientibus totum tenementum cum mesuagiis et omnibus pertinenciis suis intra villam et extra de Thorneberg quod habuerunt de Roberto de Westmonasterio quod est de feodo meo in liberam puram et perpetuam elemosinam Tenendum et habendum dictum tenementum cum mesuagiis et omnibus pertinenciis suis adeo libere et pure sicuti aliqua elemosina melius uel liberius ac purius poterit dari uel teneri quantum ad me et ad heredes meos Et ego uero dictus dominus Iohannes filius Alani et heredes mei dictum tenementum cum mesuagiis et pertinenciis dictis monachis et eorum successoribus prout ante dictum est contra omnes gentes warantizabimus acquietabimus et inperpetuum defendemus Vt autem hec mea concessio et presentis scripti mei confirmatio rata et stabilis inperpetuum perseuerent inpressionem sigilli mei presenti scripto apposui in testimonium Hiis testibus domino Iacobo le Sauuage domino Hugone de Chastilon domino Simone de sancto Lycio domino Willelmo de Bechampton militibus magistro Iohanne Tripaci Gilberto de Morton Willelmo de Heliden Hugone fratre eius Roberto le Deueneys et aliis
Source (click image below to view full size)
