Charter Document - 03590653
| Charter Number: | 03590653 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Release, Quitclaim |
| Date: | 1331 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum peruenerit Willelmus filius Henrici de Helyden in Thorneberg eternam in domino salutem Noueritis me remisisse relaxasse et omnino pro me heredibus et assignatis meis quibuscunque inperpetuum quietum clamasse religiosis viris priori et conuentui de Luffeld et eorum successoribus totum ius et clameum quod habeo habui vel aliquo modo habere potui in vno mesuagio cum gardino crofto prato et dimidia virgata terre ac etiam in omnibus aliis quibuscunque terris et tenementis cum omnibus eorum pertinenciis qualitercunque spectantibus que dicti religiosi vel eorum aliqui predecessores habuerunt vel habent ex donacione concessione et confirmacione Hugonis de Helyden antecessoris mei vel aliorum antecessorum meorum aliquorum Ita quod nec ego predictus Willelmus heredes nec assignati mei quicunque nec aliquis alius iure nec nomine nostro in predictis mesuagio gardino crofto prato nec dimidia virgata terre nec in aliquibus aliis terris nec tenementis neque eorum pertinenciis quibuscunque que dicti religiosi et eorum predecessores aliqui habuerunt vel habent de supradicto Hugone vel de aliquibus antecessoribus meis vt predictum est aliquod ius vel clameum inde exigere nec vendicare poterimus in futurum set ab omni accione et demanda simus exclusi inperpetuum per presentes In cuius rei testimonium huic presenti quiete clamancie mee sigillum meum apposui Hiis testibus Willelmo Michel de Thorneberg Willelmo ad Grangiam Henrico ad Grangiam Willelmo Iue de eadem Ricardo Fynemere de Thorneberg et aliis Dat apud Thorneberg die dominica proxima post festum sancti Gregorij pape anno regni regis Edwardi tertij post conquestum quinto
Source (click image below to view full size)
