Charter Document - 03590639
| Charter Number: | 03590639 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1230 |
| Date type: | Assigned |
| Resource Link(s): |
|
Charter:
Sciant presentes et futuri quod ego Galfridus filius Mauricij dedi et concessi et hac presenti carta mea confirmaui Hugoni filio Henrici de Heliden cum Alina filia mea in liberum maritagium quoddam mesuagium habens septem perticatas et duos pedes in latitudine de capitali curia mea et quoddam croftum de quinque sellionibus cum toto pratello in parte occidentali quod extendit de bosco usque ad croftum Walteri Swift et de crofto Walteri usque ad unam breccam factam per aquam et habet ibidem iuxta fossam in latitudine vndecim perticatas et dimidiam Et totum pratum quod pertinet ad dimidiam uirgatam terre in campo de Thorneberge Et sex acras terre cum pertinenciis in eodem campo que sic iacent Dimidia acra ad Eldegoren Dimidia acra extendit de Tunbroc ad Brademer et dimidia acra extendit into Costowebroc et dimidia acra apud Snellespol iuxta Willelmum filii Cecilie et una roda iuxta Lutlecumbes et una roda apud Galricheswelle Et due rode apud Waldmede Et due rode apud Hedune extendentes into Farenbroc et due rode into Mildoneslade iuxta Azurum filium Baldewini et tres rode super Colelond iuxta Radulfum braciatorem et una acra citra Leuerenweye iuxta Azurum predictum et vna roda extra Leuerenweye iuxta Willelmum filium Osberti et vna roda into Standelfweye iuxta Azurum predictum et vna roda ad Heuiwelde iuxta Azurum predictum que est forera et vna roda ad Brerehille iuxta Iohannem prepositum Tenenda et habenda omnia predicta de me et heredibus meis predicto Hugoni et heredibus suis de predicta Alina prouenientibus libere quiete hereditarie et pacifice Reddendo inde annuatim michi et heredibus meis duodecim denarios scilicet ad festum sancte Marie in Marcio sex denarios et ad festum sancti Michaelis sex denarios pro omnibus seruiciis saluo forinseco Predictum uero mesuagium cum omnibus predictis ego Galfridus et heredes mei debemus warantizare predictis Hugoni et Alicie et heredibus ex ea prouenientibus contra omnes gentes per predictum seruicium Et si predicta Alina sine heredibus ex se prouenientibus obierit predictus Hugo omnia predicta in bona pace habebit et tenebit per predictum seruicium omnibus diebus vite sue et post obitum ipsius ad me et ad heredes meos sine aliqua contradictione reuertentur Et ut hec mea donacio et concessio rata et inconcussa permaneat huic scripto sigillum meum apposui Hiis testibus Roberto de Almarico Ricardo de Bello Campo Reginaldo de Fraxino Willelmo de Heliden Alano de Fraxino Azur filio Baldewini Roberto filio Elie Ricardo Tripaci Waltero filio Arnaldi et aliis
Source (click image below to view full size)
