Charter Document - 03590637
| Charter Number: | 03590637 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1243 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Micahel Gofaire de Thorneberge dedi concessi et hac presenti carta mea confirmaui Willelmo filio Reginaldi de Fraxino tres seylones terre mee in campo de Thorneberge et extendent se into Crakuluesbrech et iacent inter terram prioris de Luffeld quam ipse de me habet in feodo et terram Walteri Gofaire Habend et tenend de me et de heredibus meis sibi et heredibus suis uel cuicumque illas dare vendere legare aut assignare voluerit libere quiete hereditarie bene et in pace inperpetuum Reddendo inde annuatim michi et heredibus meis vnum obolum ad festum sancti Michaelis pro omnibus seruicijs secularibus consuetudinibus et demandis et sectis curie mee et pro cunctis rebus michi heredibus meis spectantibus Pro hac autem donacione concessione et presentis carte mee confirmacione predictus Willelmus dedit michi duodecim solidos argenti et sex denarios premanibus in gersumam Ego uero dictus Micahel et heredes mei predictas tres seylones terre cum pertinenciis predicto Willelmo et heredibus suis uel cuicumque illas dare vendere legare aut assignare voluerit contra omnes gentes warantizabimus acquietabimus et defendemus inperpetuum per predictum seruicium Vt autem hec mea donacio concessio et presentis carte mee confirmacio rata et stabilis inperpetuum permaneat huic presenti scripto sigillum meum apposui Hiis testibus domino Radulfo tunc decano Roberto de Westmonasterio Willelmo de Helyden Ricardo Tripaci Roberto filio Elye Michaele filio eius Hugone de Helyden Hugone filio Thome Roberto le Deueneys Willelmo Vicario de Thorneberge clerico et aliis
Source (click image below to view full size)
