Charter Document - 03590634
| Charter Number: | 03590634 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Maria que fui vxor Iohannis de Waltham in ligia potestate mea uiduitatis existens dedi concessi et hac presenti carta mea confirmaui Willelmo filio Willelmi filij Galfridi Mabli pro homagio suo et seruicio et pro viginti et sex solidis argenti quos michi dedit in gersumam illud scilicet mesuagium cum crofta adiacente cum pertinencijs in Thorneberge quod habui de dono Ricardi decani quod quidem Nigellus bercarius aliquando tenuit Habendum et tenendum de me et de heredibus meis predicto Willelmo et heredibus suis et cuicumque illud dare vendere assignare aut legare uoluerit libere quiete pacifice et hereditarie in perpetuum Reddendo inde annuatim michi et heredibus meis vnum denarium ad Pascha pro omnibus seruicijs consuetudinibus demandis et sectis curie mee et heredum meorum et assignatorum meorum Et ego predicta Maria et heredes predictum mesuagium cum crofta et pertinencijs predicto Willelmo et heredibus suis et cuicumque illud dare vendere assignare aut legare uoluerit contra omnes homines et feminas warantizabimus acquietabimus et defendemus inperpetuum per predictum seruicium Vt autem hec mea donacio concessio confirmacio et warantizacio firmitatis robur in perpetuum optineat presentem cartam sigilli mei roboraui inpressione Hijs testibus Willelmo de Helyden Ricardo Tripacy Hugone de Heliden Roberto filio Elye Michaele filio eius Hugone Kabat Michaele Gofaire Waltero Gofaire Ricardo Togod Radulfo le Machun Roberto le Deueneys Hugone filio Thome et alijs
Source (click image below to view full size)
