Charter Document - 03590633
| Charter Number: | 03590633 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1247 |
| Date type: | Assigned |
| Resource Link(s): |
|
Charter:
Sciant presentes et futuri quod ego Fulco de Burton et Isabella uxor mea dedimus et concessimus et presenti carta nostra confirmauimus deo et beate Marie de Luffeld et monachis ibidem deo seruientibus reditum decem solidorum in uilla de Thorneberge de Ricardo Trypaci et heredibus suis percipiendum et una cum dicto reditu omne ius et clamium quod nos uel heredes nostri habent uel habere poterimus in terra illa quam dictus Ricardus Trypaci tenuit de nobis cum omnibus pertinentiis suis in liberam et puram et perpetuam elemosinam Tenendum et habendum de nobis et heredibus nostris sibi et successoribus suis inperpetuum libere et quiete bene et in pace ab omnibus seruiciis secularibus et demandis nobis uel heredibus nostris spectantibus uel que a nobis et ab heredibus nostris ullo modo uel ullo iure uel aliquo casu contingente exigi potuerint Nos uero et heredes nostri dictum reditum cum omnibus pertinenciis et seruiciis suis nobis uel heredibus nostris pertinentibus dictis monachis et eorum successoribus contra omnes gentes warantizabimus inperpetuum Et ut hec nostra donacio et confirmacio rata et stabilis inperpetuum permaneat huic presenti scripto sigilla nostra apposuimus in testimonium Hiis testibus Radulfo tunc uicario de Thorneberge Reginaldo de Fraxino Roberto de Westmonasterio Willelmo de Helidene Hugone fratre suo Iohanne de Padebur Roberto le Deueneys et multis aliis
Source (click image below to view full size)
