Charter Document - 03590632
| Charter Number: | 03590632 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1270 - 1274 |
| Date type: | Assigned |
| Resource Link(s): |
|
Charter:
Sciant presentes et futuri quod ego dominus Iohannes filius Alani de Wolurinton miles dedi concessi et hac mea presenti carta confirmaui deo et beate Marie de Luffeld et monachis ibidem deo seruientibus homagium Willelmi de Fraxino de Thorneberge et heredum suorum quod idem Willelmus michi fecit et omnes antecessores sui antecessoribus meis fecerunt pro omnibus terris et tenementis suis in villa de Thorneberge et extra et omnibus libertatibus cum curiarum mearum sectis omnimodis releuiis wardis eschaetis et omnibus aliis que ullo modo uel ullo iure seu aliquo casu contingente ratione alicuius persone uel nomine terre seu tenementi predicti cum omnibus pertinenciis et omnibus libertatibus qualitercunque michi et heredibus meis pertinentibus seu quibuscumque assignatis meis accidere possint Tenendum et habendum dictum homagium cum omnibus aliis pronominatis de me et heredibus meis dictis monachis et eorum successoribus libere quiete bene et in pace ac pure in liberam puram et perpetuam elemosinam adeo libere quiete et pure sicuti aliqua elemosina melius uel liberius siue purius poterit dari uel teneri Et ego uero dictus dominus Iohannes de Wolurinton miles dictum homagium cum omnibus aliis pretaxatis dictis monachis et eorum successoribus prout antedictum est tam ego quam heredes mei et quicunque mei assignati contra omnes gentes warantizabimus acquietabimus et inperpetuum ubique sicut liberam elemosinam defendemus Vt autem hec mea donacio concessio et carte mee confirmacio robur perpetuum optineant presenti carte mee inpressionem sigilli mei apposui in testimonium Hiis testibus domino Simone de sancto Lycio domino Ricardo de Castilon domino Willelmo de Bechampton militibus Elya de Tingewik Ricardo Gruscet Simone le Botiler Willelmo Russel et aliis multis
Source (click image below to view full size)
