Charter Document - 03590628
| Charter Number: | 03590628 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes filius Galfridi de Padebur dedi concessi et hac presenti carta mea confirmaui Hugoni filio Henrici de Helyden pro homagio et seruicio suo et pro duabus marcis argenti quas michi dedit in gersumam sex acras terre cum mesuagio et crofto et cum omnibus pertinenciis suis et cum toto prato quod pertinet ad vnam dimidiam virgatam terre in campis de Thorneberge illas scilicet sex acras terre cum mesuagio et crofto et cum omnibus pertinenciis suis et cum prato prenominato quas ipse Hugo habuit in liberum maritagium cum Alina sorore mea et tenuit de me ad terminum vite sue Habend et tenend de me et de heredibus meis uel meis assignatis predicto Hugoni et Matilde filie Vincentii de Slapton heredibus de predictis Hugone et Matilde prouenientibus libere hereditarie quiete bene et in pace Reddendo inde annuatim michi et heredibus meis uel meis assignatis tresdecim denarios ad duos anni terminos scilicet ad festum sancti Michaelis sex denarios et ad festum sancte Marie in Marcio septem denarios pro omnibus seruiciis et pro cunctis rebus saluis forinsecis seruiciis domini regis quantum pertinet ad terciam partem vnius virgate terre de eodem feuodo in eadem villa Ego uero Iohannes et heredes mei predictas sex acras terre cum mesuagio et crofto et cum omnibus pertinenciis suis et cum prato prenominato predictis Hugoni et Matilde et heredibus suis ex eis prouenientibus per predictum seruicium sicut predictum est contra omnes gentes fideliter warantizabimus inperpetuum Et si dictus Hugo in vita dicte Matilde obierit predicta Matilda predictas sex acras terre cum mesuagio et crofto et omnibus pertinenciis suis et cum prato prenominato per predictum seruicium quoad vixerit sine aliqua contradiccione tenebit et post obitum predicte Matilde predicta terra et predictum mesuagium cum crofto et cum omnibus pertinenciis suis et cum prato prenominato heredibus predicti Hugonis solute et quiete reuertetur Et sciendum est quod predicti Hugo et Matilda et heredes sui non dabunt neque vendent neque tradent predictam terram cum mesuagio et crofto et cum prato prenominato domui religiose uel alicui ad nocumentum heredum uel assignatorum meorum Vt autem hec mea donatio concessio warantizatio et presentis carte mee confirmatio rata et stabilis inperpetuum permaneat huic presenti scripto sigillum meum apposui Hiis testibus Reginaldo de Fraxino Willelmo de Helyden Ricardo Tripaci Hugone filio Thome Roberto filio Elye Michaele filio suo Michaele Gofayre et multis aliis
Source (click image below to view full size)
