Charter Document - 03590625
| Charter Number: | 03590625 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus de Padebir dedi concessi et hac presenti carta mea confirmaui Willelmo capellano alumpno Ricardi decani de Thorneberge pro homagio suo et seruicio videlicet illam dimidiam acram terre cum pertinenciis in campo aquilonari de Thorneberge que se extendit ab Hachegate in Holeford propinquior chimino preter vnam dimidiam acram uersus occidentem Tenendam et habendam de me et de heredibus meis dicto Willelmo capellano et cuicumque uel quibuscumque dare vendere assignare aut legare uoluerit libere quiete pacifice hereditarie et integre in perpetuum Reddendo inde annuatim michi et heredibus meis vnum denarium scilicet ad Pascha pro omni forinseco seruicio et alio consuetudine exactione et demanda Et ego Ricardus et heredes mei predicto Willelmo capellano et cuicumque uel quibuscumque dictam dimidiam acram terre cum pertinenciis suis dare uendere assignare uel legare uoluerit warantizabimus et defendemus per predictum seruicium contra omnes homines et feminas in perpetuum Pro hac autem donacione concessione et warantizacione dedit michi predictus Willelmus capellanus dimidiam marcam argenti Et ut hec mea donacio concessio et warantizacio rata et stabilis in perpetuum permaneat presentem cartam sigilli mei inpressione roboraui Hiis testibus Reginaldo de Fraxino Willelmo de Heliden Ricardo Tripaci Roberto filio Elie Iohanne de Padebir Hugone de Hugone de Heliden Michaele Gofaire Thoma de Langeleg Radulfo le bracur Iohanne filio eius Waltero filio Ernaldi Geruasio de Thorneberge Ricardo filio Edmundi et aliis
Source (click image below to view full size)
