Charter Document - 03590618

Hec est conuencio facta inter dominum priorem de Luffeld et conuentum ex vna parte et dominum Ricardum de Neuton perpetuum vicarium ecclesie de Thornberg et Helenam Huberd de Petelyng ex altera videlicet quod dictus prior et conuentus tradiderunt predictis domino Ricardo et Helene ad totam vitam illorum vel cui eorum diucius vixerit illud mesuagium cum curtilagio crofto et prato adiacentibus quod Willelmus Aspilon quondam tenuit in villa de Thornberg iacens inter placeam quondam Ricardi Grey et placeam Hugonis Fabri et decem acras terre cum suis pertinenciis in campo eiusdem sic iacentes vna acra iacens intho Thornton hynlond iuxta terram Willelmi Gilot item vna acra super croftum molendini iuxta terram dicti vicarii ex utraque parte item due rode iuxta Stanidelfwey inter terram Ricardi Coci et terram Willelmi de Grangia et tres rode ad capud crofti Iohannis de Finemer iuxta terram magistri sancti Iohannis Oxonie item vna acra inthothewater iuxta terram Ricardi Rocaile et terram Hugonis Fabri item due rode super Pleystede iuxta terram Thome Lamberd item due rode in Thornidildonslad iuxta terram abbatis de Bilisdene item vna dimidia acra super Rakemorforlong iuxta terram dicti abbatis item tres rode iuxta Merhok ex opposito duarum acrarum item vna roda sub Heuedon iuxta Welrun item vna roda subtus Heuedon iuxta terram magistri sancti Iohannis et altera roda in eadem cultura iuxta terram Roberti de Grangia item due rode iuxta Oxlemede item due rode super Mouleshil iuxta Costewe item vna dimidia acra iuxta Costowe item vna dimidia acra super Larkynhul iuxta terram dicti vicarii item vna dimidia acra super Boterhul iuxta terram abbatis de Bilisdene item due rode in the Langedene iuxta terram Ricardi Rokayle item vna dimidia acra in the Stanidelwey Habendum et tenendum dictum mesuagium cum curtilagio crofto et prato aiacentibus et cum predictis decem acris terre cum suis pertinenciis predictis domino Ricardo et Helene ad totam vitam illorum vel cui eorum diucius vixerit libere quiete bene et in pace Reddendo inde annuatim dictis priori et conuentui septem solidos et quatuor denarios ad duos anni terminos videlicet ad festum sancti Michaelis tres solidos et octo denarios et ad festum annunciacionis beate Marie tres solidos et octo denarios pro omnibus seruiciis secularibus et demandis et consuetudinibus excepto seruicio domini regis et sectis curiarum et post decessum dicte Helene melius auerium nomine herioti vel eius valorem predicti uero et prior et conuentus dictum mesuagium cum curtilagio crofto et prato aiacentibus et cum predictis decem acris terre cum suis pertinenciis dicto domino Ricardo et Helene ad totam vitam illorum vel cui eorum diucius vixerit varantizabunt et pro dictis reditibus acquietabunt et defendent In cuius rei testimonium predicte partes huic presenti scripto indentato sua mutuo aposuerunt sigilla Hiis testibus Willelmo Michel de Thornberg Hugone Fabro de eadem Henrico de Grangia Willelmo de Grangia Willelmo de Helingdene Iohanne in angulo et aliis Dat apud Luffeld in festo sancti Gregorii pape anno regni regis Edwardi tercii a conquestu quarto