Charter Document - 03590617
| Charter Number: | 03590617 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1329 |
| Date type: | Internal, Feast, Regnal |
| Resource Link(s): |
|
Charter:
Anno regni regis Edwardi tercij a conquestu tercio die dominica proxima post festum sancti Iacobi apostoli ita conuenit inter religiosos viros priorem et conuentum de Luffeld ex parte vna et Henricum le Freyn de Thorneberge et Angnetem vxorem eius secundam ex altera videlicet quod dicti religiosi viri tradiderunt et dimiserunt dictis Henrico et Angneti vxori sue ad totam vitam illorum illud mesuagium in Thornberge cum quatuor buttis in crofto adiacente quod quidem mesuagium Iohannes de Bolendene aliquando de eisdem tenuit Habendum et tenendum dictum mesuagium cum dictis quatuor buttis de predictis religiosis et eorum successoribus cum omnibus pertinenciis suis ad totam vitam illorum libere bene et in pace Reddendo et faciendo inde annuatim predictis religiosis et eorum successoribus quam diu vixerint uel quis eorum diucius vixerit tres solidos argenti ad duos anni terminos videlicet ad festum sancti Michaelis octodecim denarios et ad festum annunciacionis beate Marie octodecim denarios pro omnibus seruiciis exceptis curie sectis et forinseco domini regis seruicio et alijs seruicijs inde debitis et consuetis Et si contingat dictos Henricum et Angnetem in solucione dicti redditus terminis statutis deficere vel distruccionem aut vastum seu aliquam alienacionem in dicto tenemento quoquo modo facere tunc bene licebit dictis religiosis et eorum successoribus predictum tenementum tenore istius scripti intrare et distringere sine aliqua contradiccione dictorum Henrici et Angnetis vel alicuius alterius nomine illorum quousque predictis religiosis plenaria fuerit satisfactum Predicti vero religiosi et eorum successores dictum mesuagium cum dictis quatuor buttis in crofto adiacente cum omnibus pertinencijs suis ad totam vitam predictorum Henrici et Angnetis sicut predictum est contra omnes gentes warantizabunt Predictum vero mesuagium cum dictis quatuor buttis in crofto adiacente cum omnibus pertinencijs suis predictis religiosis et eorum successoribus post decessum dictorum Henrici et Angnetis remanebit In cuius rei testimonium predicte partes huic indenture alternatim sigilla sua apposuerunt Hijs testibus Willelmo Michel de Thornberge Roberto Adam de eadem Willelmo de Helidene de eadem Iohanne in the Horne de eadem Roberto de Grangia de eadem et alijs Dat apud Luffeld die et anno supradictis
Source (click image below to view full size)
