Charter Document - 03590609

Anno regni regis Edwardi filij regis Edwardi decimo die dominica proxima post festum sancti Iohannis ante portam latinam ita conuenit inter fratrem Iohannem de Westbury priorem de Luffelde et eiusdem loci conuentum ex parte vna et Radulphum filium Willelmi de Fraxino de Thorneburgh Agnetem vxorem suam Henricum et Ricardum filios suos ex parte altera videlicet quod predicti prior et conuentus tradiderunt et dimiserunt predictis Radulpho Agnete vxori sue Henrico et Ricardo filijs suis ad totam vitam illorum vel cui eorum diucius vixerit duas partes vnius mesuagij cum crofto gardino et columbario quas predicti prior et conuentus habuerunt in villa de Thorneburgh per escayetum post decessum Roberti de Fraxino fratris predicti Radulphi et vnam dimidiam virgatam terre quam Matilda de Fraxino aliquando tenuit ad voluntatem predictorum prioris et conuentus Preter quam predicti Radulphus Agnes Henricus et Ricardus habebunt vnam acram terre nomine escambij videlicet super le Goselond duas rodas iuxta abbatem de Butlesden et into Colemore duas rodas inter terram Willelmi Michel et terram Willelmi ad Grangiam pro qua acra predicti prior et conuentus habebunt duas rodas into Weymede et vnam dimidiam acram inter Harnhulles Habend et tenenda predictas duas partes mesuagij cum crofto integro gardino columbario et cum predicta dimidia virgata terre predictis Radulpho Agnete vxori sue Henrico et Ricardo filijs suis ad totam vitam illorum vel cui illorum diucius vixerit quiete bene et in pace Reddendo inde annuatim predictis priori et conuentui predicti Radulphus Agnes Henricus et Ricardus quamdiu vixerint quatuordecim solidos argenti ad duos anni terminos videlicet ad festum sancti Michaelis septem solidos et ad festum annunciacionis beate Marie septem solidos pro omnibus seruicijs exceptis curie sectis et forinsecis domini regis seruicijs Et si contingat predictos Radulphum Agnetem Henricum et Ricardum in solucione dicti redditus ad terminos statutos in toto vel in parte deficere extunc bene liceat predictis priori et conuentui et eorum assignatis predicta tenementa tam infra septa domus quam extra distringere et districcionem retinere quousque de solucione predicta integre et plenaria eis fuerit satisfactum Et si contingat predictos Radulphum Agnetem Henricum et Ricardum predictas duas partes mesuagij cum crofto integro gardino columbario et cum predicta dimidia virgata terre alicui vendere vel ad firmam tradere vel aliquo alio modo alienare seu vastare sine voluntate dictorum prioris et conuentus extunc bene liceat predictis priori et conuentui in dictis tenementis intrare et ea pacifice retinere sine reclamacione vel contradiccione predictorum Radulphi Agnetis Henrici et Ricardi vel cuiuscumque alterius Si vero contingat predictam Agnetem post decessum predicti Radulphi iterum maritari in predictis tenementis ullam omnino habebit accionem set bene liceat predictis Henrico et Ricardo sine contradiccione predicte Agnetis in predictis tenementis intrare et ea retinere modo supradicto Dicti vero prior et conuentus predictas duas partes mesuagij cum crofto integro gardino columbario et cum predicta dimidia virgata terre predictis Radulpho Agneti Henrico et Ricardo quamdiu vixerint vel cui eorum diucius vixerit pro seruicijs predictis sicut predictum est contra omnes gentes warantizabunt acquietabunt et defendent Dicte vero due partes mesuagij cum crofto integro gardino columbario et cum predicta dimidia virgata terre post decessum predictorum Radulphi Agnetis Henrici et Ricardi predictis priori et conuentui et eorum successoribus sine reclamacione seu contradiccione alicuius alterius integre quiete bene et in pace reuertentur In cuius rei testimonium predicte partes presentibus scriptis bipartitis in modum cirographi confectis alternatim sigilla sua apposuerunt Hijs testibus Hugone de Kingesbrug Willelmo Michel Willelmo ad Grangiam Roberto ad Grangiam Willelmo de Helmiden et alijs Dat apud Luffelde die et anno supradictis