Charter Document - 03590603
| Charter Number: | 03590603 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1243 - 1251 |
| Date type: | Assigned |
| Resource Link(s): |
|
Charter:
Sciant presentes et futuri quod ego Reginaldus de Fraxino dedi et concessi et hac presenti carta mea confirmaui deo et beate Marie de Luffeld et monachis ibidem deo seruientibus illam dimidiam uirgatam terre cum mesuagio et omnibus pertinenciis quam Willelmus capellanus filius Ricardi quondam decani tenuit de me in uilla de Thorneberge Tenendam et habendam de me et heredibus meis sibi et successoribus suis libere et quiete ab omnibus seruiciis sectis consuetudinibus et secularibus demandis Reddendo inde annuatim michi et heredibus meis sex denarios ad festum sancti Michaelis pro omnibus saluo scutagio cum euenerit quantum ad tantam terram pertinet de eodem feodo Ego uero dictus Reginaldus et heredes mei predictam dimidiam uirgatam terre cum mesuagio et omnibus pertinentiis predictis monachis et eorum successoribus contra omnes gentes warantizabimus et ab omnibus aquietabimus inperpetuum Vt autem hec mea donacio et carte mee confirmacio firma et stabilis inperpetuum permaneat presenti scripto sigillum meum apposui in testimonium Hiis testibus domino Henrico Blanfrund Iohanne fratre suo domino Radulfo uicario Rogero Foliot Willelmo de Helidene Hugone fratre suo Iohanne de Padebur Roberto le Deueneqs et multis aliis
Source (click image below to view full size)
