Charter Document - 03590601
| Charter Number: | 03590601 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 - 1232 |
| Date type: | Assigned |
| Resource Link(s): |
|
Charter:
Sciant presentes et futuri quod ego Otuelus assensu et consensu Alicie vxoris mee dedi et concessi et hac presenti carta mea confirmaui Fulconi de Burtun pro homagio et seruicio suo in libero maritagio cum Ysabella filia mea redditum decem solidorum in uilla de Thornebergia quem Ricardus Tripaci michi reddere consueuit Et ego uero Otuelus et heredes mei redditum prenominatum cum omni iure et emolumento et omnibus pertinenciis que michi tam et heredibus meis consequi potuerint dicto Fulconi et heredibus suis pro omni seruicio et demanda omnimoda contra omnes homines et feminas warantizabimus Et vt hec mea donacio et concessio firma et inconcussa permaneat inperpetuum presentem cartam sigilli mei apposicione munimine coroboraui Hiis testibus Radulfo Harang Willelmo de Mortun Willelmo de Frene Henrico de Hulleden Ricardo decano de Thornebergia Martino auunculo predicti Fulconis Martino filio Vnfrey de Morton et multis aliis
Source (click image below to view full size)
