Charter Document - 03590598
| Charter Number: | 03590598 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 - 1260 |
| Date type: | Assigned |
| Resource Link(s): |
|
Charter:
Sciant presentes et futuri quod ego Radulfus le masun de Torneberge dedi et concessi et hac presenti carta mea confirmaui Willelmo filio meo pro homagio et seruicio suo et pro sexdecim solidis sterlingorum quos michi dedit in gersumma illud mesuagium cum edificiis et aliis pertinenciis suis in Torneberge quod tenui de priore et conuentu de Luffeld et est iuxta mesuagium quod Robertus de Stiuecle aliquando tenuit versus occidentem Tenendum et habendum de predictis priore et conuentu et successoribus suis eidem Willelmo et heredibus suis uel assignatis vel cuicumque dictum mesuagium cum pertinenciis dare vendere legare vel assignare voluerit saluis viris religiosis libere quiete integre et hereditarie et inperpetuum Reddendo inde annuatim predictis priori et conuentui et successoribus suis duodecim denarios ad duos anni terminos videlicet ad festum beate Marie in Marcio sex denarios et ad festum sancti Michaelis sex denarios et quatuor gallinas ad Natale domini vel quatuor denarios pro voluntate dicti Willelmi et heredum suorum vel assignatorum pro omnibus seruiciis et rebus cunctis que ad predictos priorem et conuentum et successores suos pertinent Et predicti priore et conuentus et successores sui predictum mesuagium cum edificiis et aliis pertinenciis sicut predictum est predicto Willelmo et heredibus suis vel assignatis contra omnes gentes inperpetuum warantizabunt et defendent per predictum seruicium prout continetur in scripto feffamenti quod de predictis prior et conuentu habui Et quod hoc ratum sit semper et stabile hoc presens scriptum sigilli mei inpressione roboraui Hiis testibus Ricardo Grusset Gileberto de Morton Elya le Drueys Radulfo de Lechinberg Ricardo Tripaci Willelmo de Heliden Hugone fratre suo Godefrido Spigornel Rogero de Morton clerico et aliis
Source (click image below to view full size)
