Charter Document - 03590593
| Charter Number: | 03590593 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1260 - 1270 |
| Date type: | Assigned |
| Resource Link(s): |
|
Charter:
Ita conuenit inter Ricardum Gruscet ex una parte et Willelmum filium Radulfi cementarii de Torneberge ex altera videlicet quod predictus Ricardus dedit et concessit et hoc presenti scripto confirmauit predicto Willelmo tantam terram cum uno mesuagio competenti et cum pratis et pasturis et cum omnibus aliis pertinenciis suis in Morton quam idem Willelmus sibi dedit in Torneberge per extentam vnde dictus Ricardus cartam suam habet Tenendam et habendam de predicto Ricardo et Emme vxore sua et heredibus uel assignatis suis predicto Willelmo in tota uita sua libere quiete integre et in bona pace Reddendo inde annuatim predictis Ricardo et Emme et heredibus uel assignatis vnum florem rose ad natiuitatem sancti Iohannis baptiste pro omnibus seruiciis consuetudinibus exaccionibus sectis curie et demandis secularibus saluo forinseco ad predictum tenementum pertinente in eadem uilla de eodem feodo Et predicti Ricardus et Emma et heredes uel assignati sui predictam terram cum mesuagio et cum pratis et pasturis et omnibus aliis pertinenciis suis predicto Willelmo in tota uita sua contra omnes gentes warantizabunt acquietabunt et defendent In huius autem conuentionis testimonium partes signa sua presentibus scriptis cyrographatis alternatim apposuerunt Hiis testibus dominis Hugone de Chastilun Willelmo de Bechampton militibus Gileberto de Morton Elya le Drueys Ricardo Tripacy Willelmo de Eliden Hugone de eadem Hugone Cabehtt Rogero de Morton clerico et aliis
Source (click image below to view full size)
