Charter Document - 03590591
| Charter Number: | 03590591 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1270 - 1290 |
| Date type: | Assigned |
| Resource Link(s): |
|
Charter:
Sciant presentes et futuri quod ego Michael Ernald filius Walteri Ernald de Thorneberge dedi concessi et hac presenti carta mea confirmaui deo et ecclesie beate Marie de Luffeld et monachis ibidem deo seruientibus redditum duarum rosarum proueniencium de tenementis quod Rogerus Swyft quondam tenuit de me in villa et campis de Thorneberge quod quidem redditum dictus Rogerus michi reddere solebat videlicet redditum unius rose prouenientem de tenemento quod quondam fuit Hugonis le Fric sic iacentem scilicet vna dimidia acra super Tonbocforlon cum vno mesuagio inter terram monacorum de Luffeld et Willelmi Atehurne et vna roda et dimidia into Farnebroc ex opposito duarum acrarum sancti Iohannis Oxonie quod tenementum Rogerus Swyft tenuit de me et redditum vnius rose prouenientem de tenemento quod predictus Rogerus habuit de me sic iacentem videlicet vna roda vltra Scheldespitt iuxta foreram Henrici Attehurne et vna roda apud Hordlewelle inter terram Henrici de Grangia et Galfridi de Grangia et vna roda super Hedeneslowe inter terram Henrici de Helyden et Henrici de Grangia et vna roda super Schiteresdoun inter terram Henrici de Helyden et Henrici Atehurne et vna roda iuxta Littlecoumbes inter terram Henrici Atehurne et Tripaci et vna iuxta Colefordbroc inter terram monachorum de Luffeld et pratum de Coleford Tenendum et habendum dictum redditum duarum rosarum de predictis tenementis prouenientem de me et heredibus meis uel meis assignatis dictis monachis et eorum successoribus in liberam puram et perpetuam elemosinam cum wardis releuiis escaetis et iuribus omnimodis libere et quiete ab omnibus que a me uel heredibus meis uel meis assignatis aliquo modo uel aliquo iure uel aliquo casu contingente exigi poterunt adeo libere sicuti aliqua elemosina melius uel liberius seu purius poterit dari uel teneri Ego uero dictus Michael et heredes mei uel mei assignati predictum redditum ex predictis tenementis sicut predictum est prouenientem dictis monachis et eorum successoribus contra omnes homines et feminas warantizabimus et ab omnibus que exigi poterint sicut puram et perpetuam elemosinam acquietabimus inperpetuum Vt autem hec mea donatio et carte mee confirmatio rata et stabilis permaneat huic presenti scripto sigillum meum apposui in testimonium Hiis testibus Henrico de Helyden Hugone le Pech Radulpho molendinario Willelmo de Burton Iohanne de Morton Galfrido de Grangia Willelmo carpentario et alijs
Source (click image below to view full size)
